「宅男女神」鄧月平（Larine）多年來不斷穿州過省開工，原來早前曾經歷「生死一刻」！她於柳州入住酒店期間，房間的插頭突然漏電兼起火，Larine慶幸當時冇抆插頭，否則後果不堪設想，現憶述情況仍猶有餘悸：「差點客死異鄉！」
鄧月平早前到內地柳州與黃又南拍攝短片，由於製作費不多，大家要入住非常簡陋的酒店，每人入房後都立即用上整支消毒藥水清潔整個房間，原本以為抹完乾淨晒，可以好好休息，怎料發生漏電爆炸事件，Larine表示：「應該係電流嘅問題，我同助手喺房度用手機叉住電聽歌，本來想瞓諗住去抆個插頭，點知個插頭突然爆炸起火，全間房黑晒，嚇到我哋好驚。」
Larine慶幸自己「行慢一步」，否則觸及漏電插頭的話，後果堪虞，Larine憶述時仍猶有餘悸：「都算少少好彩，我黐喺插頭上面嘅平安符都燒爛埋，如果掂到（個插頭），我都應該拍唔到落去。」
屙嘔暈昡急吸氧
除了遇上爆炸意外，當黑事件一不離二，Larine透露翌日於棺材舖拍攝時，一度病倒出現暈昡：「上午拍嘅時候都冇嘢，但下午突然間又屙又嘔同埋頭好痛，仲暈得好緊要，抖氣亦好唔順，助手即刻買咗支氧氣畀我吸，好彩之後慢慢都無事。」雖然諸事不順，但Larine都慶幸人沒事，完成工作後順利回港。
本文作轉載及備份之用 來源 source: http://hk.on.cc
|
鍾意就快D Share啦！
|
