蔡一傑寫道：「巧遇泰國，第一次地震，好彩我住2樓走得快好世界 #地震 #希望所有人平安 #集氣」片中見他先在酒店房間，見到吊燈及門不停搖晃，他說：「地震呀，第一次泰國地震⋯⋯哇好搖，我成個人都搖緊。」及後蔡一傑走到街上直擊情況，見到聚集好多人，他邊行邊說：「所有人都向一個方向走，因為嗰邊有個Building啱啱起好，驚佢冧⋯一冧就好麻煩。」由於當時BTS站、商場等都關閉，而民眾沒有車返屋企，只能在街上等待。不少網民均提醒他要注意安全，好友伍詠薇也留言：「愛人你喺泰國小心啊，快啲返嚟香港」
另外，關楚耀的KOL老婆Joann亦身在曼谷，她亦有在IG Story向粉絲報平安，直言好黑仔：「去冰島已經全國紅色警報，曼谷而家又緊急狀態。點解我呢幾次去旅行都好似歷險咁，諗住返鄉下都可以遇到曼谷百年一遇嘅地震，我真係黑腳嚟……」。
Joann指地震一刻好多人逃亡：「頭先喺酒店lobby等咗好耐，唔俾上房。好多人着住揼骨衫就逃亡，有好多人鞋都冇着，有好多游完水淨係着條泳褲。」她指返上房後發現牆身裂開了：「返上房，我見我啲化妝品冇跌晒落地以為OK，原來廁所埲牆出面裂晒……入邊啲瓷磚都鬆鬆地」。今午近12時，她亦有更新情況，見她在BTS車站內，之後就到當地還神。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
