藝人李思雅向來熱愛運動，除了網球了得外，高爾夫球及滑水等她樣樣皆精，近年多打golf的她，不時都會跟專業球手「交手」，參加比賽亦曾多次奪得獎項。日前，思雅就與一眾圈中「型男」任達華、苗僑偉、許冠文及王敏德齊齊到澳門落場打波。
思雅接受東網訪問時坦言：「嗰日好多型男喺現場，佢哋真係個個都好fit，好開心，我仲同許冠文一隊，同職業球手配對比賽，當中有香港最犀利嘅球手許龍一，雖然我哋冇贏到，但係我哋都有獎，攞到最佳服裝獎，不過許龍一好好，佢教咗我哋好多嘢，所以喺呢啲職業業餘配對賽中自己學到好多嘢！」思雅又大讚任達華厲害，今年他跟西班牙球手加西亞配對打，奪得第二名，思雅謂：「我哋平時都有一齊約打波，佢哋個個都好Nice，所以好鍾意同佢哋打。」
本文作轉載及備份之用 來源 source: http://hk.on.cc
|
鍾意就快D Share啦！
|
