幸好鍾舒漫醒目，找朋友陪自己去，叫對方離遠觀看，若有異樣就立即帶她走，「嗰個人開始行埋嚟，Oh my god……啲牙爛晒！跟住過到嚟一坐低，一傾偈，我第一下已經好想走，語氣係令我好唔舒服囉。（王君馨：你之前電話聽唔出咩？）聽唔出，真人見唔同，我淨係有一種感覺，我好想講，佢好似螳螂！」之後她的朋友就走過來救場，說有事走先，成功閃人。
而衛蘭與衛詩就會用MIRC軟件認識世界各地的朋友，衛詩試過對一個澳洲男生沉晒船，即使素未謀面，都已認定對方是網上的男朋友，每朝情不自禁地要去Cafe上網跟對方聊天。傾了幾個月後二人終於交換照片，她更發現對方幾靚仔，現在再講起來都一臉冧樣。
衛蘭則原來是「照騙」，她試過send一位女神的照片扮自己，表示：「我都試過喺MIRC同一啲男仔傾偈，跟住佢問我可唔可以send我張相畀佢哋睇，嗰時我覺得我唔靚嘅，同埋有啲chubby嘅，我send咗Gigi Leung嘅相畀佢……」正當大家以為衛蘭用梁詠琪的照片去「行騙」，她才發現原來自己口誤，她更正：「唔係梁詠琪，係《古惑仔》嗰個Gigi！」原來是愛美神黎姿，鍾舒祺和王君馨聽完都大笑，覺得她十分離譜，不過因為對方是外國人，衛蘭認為對方不會發現。
本文作轉載及備份之用 來源 source: http://www.hk01.com
|
鍾意就快D Share啦！
|
