潘志文首先講到劇中飾演他大女的陳芷菁，因為兩人演父女，所以有很多對手戲，但每當他們吃晚飯的時候，陳芷菁一定不可以和我們一齊食晚飯，「佢只可以買一個飯盒，事後匿埋快快脆脆咁食。點解呢，因為佢雖然返咗嚟香港拍劇，但佢喺溫哥華仲有一個電台節目，所以每晚正當我哋香港食晚飯嘅時間，佢就要匿埋打電話返去繼續主持佢嘅電台節目。」潘志文大讚大女不僅好戲，司儀功力也很深厚。
至於與細女張可頤，潘志文稱二人非常有緣分，他過檔無綫後，第一部跟對方拍的戲就是《一切從失蹤開始》演父女，《天地男兒》又是演他女兒，到《地獄天使》就演他女朋友，最後拍到《新上海灘》就演他老婆。潘志文指本來去年有套劇集，兩人有機會再合作，可惜因為種種原因，張可頤沒能出演，相信未來會再有機會。
談到宣萱，潘志文稱對方當時還是很後生、很嫩，不過自《天地男兒》後大家就無再合作過，直至幾年前，兩人再在《陀槍師姐2021》重遇，去年又一齊拍過兩套電視劇，相信很快播出。
而最後，潘志文則講到陳松伶，他說之後曾與對方拍過《新上海灘》演他女兒，「同佢合作好好架，我演過咁多次爸爸（角色），佢做我個女嘅時候呢，佢真係你好『奄粘』，即係好似對親老竇咁樣，好嗲，令到你好舒服，就算我自己親生女對我都唔會咁甜蜜溫馨嘅感覺。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
