鄧麗欣今早出席彩妝品牌活動，問到平時與男友約會時，會否更注重妝容，她笑言事業直男不太會分辨妝容。「我演唱會有染咗髮色，我問完佢，佢都望咗我好耐『好似淺色咗少少』，好處係大時大節同佢出街食飯唔使扮靚啲，因為對佢嚟講都差不多。」
提到日前上載的合照，以豬頭emoji遮蓋了男友真面目，鄧麗欣表示：「係佢真面目嚟，我見有報道寫終於將佢正面公開嘛。（幾時公開真面目？）其實你哋無發現咋嘛，佢演唱會都無戴口罩，諗住你哋會發現佢。」鄧麗欣又表示不介意與男友情侶檔接工作，又笑稱可開班教授男士如何觀察女士妝容，她又自爆每日都會幫對方敷面膜，問到是否已同居，她即謂：「佢自己敷都得，我係話佢跟住我日日敷。」
本文作轉載及備份之用 來源 source: http://www.hk01.com
|
鍾意就快D Share啦！
|
