片中所見，傅穎戴着Cap帽、化上淡妝，還紮了孖辮，近年她經常被外界質疑容貌再升級，對此，傅穎亦有表達對醫美的看法：「我唔反對，我覺得女仔最緊要有自信，唔好傷害人，好淺表面嘅嘢可以做。」而李珊珊亦回憶初次與傅穎見面時的情景，坦言當時大感意外：「我就見到冇化妝嘅Theresa，但係好靚，皮膚好靚，白裏透紅。因為喺我心目中仲諗住你係會好似公主咁行出嚟，你係好自在嘅，好舒服個感覺。」李珊珊大讚傅穎的自在是由內到外散發出來：「我好驚喜呀嗰一下，同埋係堅靚」，完全打破了網上對傅穎的評價：「我可以寫包單，佢真係真材實料，好正，真係好正」。
李珊珊亦有追問網民一直以來的疑問，傅穎即會意，更做起變臉的手勢，笑言：「點樣？三十六變？」不過李珊珊即代為澄清，叫大家別誤會：「總言之我而家見到嘅傅穎，我都幾肯定唔係你哋所想咁樣」，又勸傅穎下次換掉攝影師，不要過份P圖，以免令人認不出。
李珊珊提及傅穎當年是雜誌封面常客，問道：「咩嘢情況下點解聽到粗口會嘔呀？」傅穎即笑言：「唔係嘔，係打冷震。其實唔係聽粗口打冷震，嗰陣時有一場戲係希望我講粗口，我好少講粗口，我唔可以喺屋企個廳對住屋企人講粗口，就匿埋喺廁所試下講，講完出嚟第一個反應真係打咗個冷震。」此外，傅穎亦有回應缺席鄧麗欣個唱的原因：「其實大家都咁大個人都會有自己嘅工作，我都想去，我之前都同我啲Fans講我想去，我知道會有演唱會，但係真係搵中間人同我傾嘅時候，我已經真係傾好咗工作，同埋簽咗合約，真係冇辦法，咁只能夠做嘢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
