最近Gin Lee成為了ViuTV真人騷《全民造星IV》導師之一，坦言「花多眼亂」，參賽者更年輕之外亦各有特色。「今年降到16歲，都有啲學生，小鮮肉參加，有啲有歌藝，外型又有，當然都有啲趣緻，娛樂性強有特色嘅，我覺得會幾好睇。」她坦言，自己偏好有才華的參賽者，「有才還有外型就當然最正啦，都有幾個。希望到時我搶到！」
作為《造星IV》導師，對於早前姜濤被電影人負評一事，Gin Lee就表示：「我都成日提自己，做歌手或者公眾人物，心理質素同埋對答都好緊要，我都一路學習緊。唔容易㗎，尤其係我作為歌手，對答仲驚過唱歌。唱歌冇問題，開騷冇問題，但係一講嘢就好驚講錯嘢。呢個都係我要不停學習嘅嘢。」
Gin Lee做過《聲夢傳奇》導師，「教」出了炎明熹，她分享道，雖然兩個節目性質不同，但她仍然在全心全意做好自已的職責，「分享我嘅經歷，我嘅唱歌技巧或者表演者嘅心理質素等等，都係一樣咁認真，因為做導師係好大責任，我面對嘅都係好有夢想嘅年青人，一定要盡我所能幫佢哋。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
