《虎毒不》男女主角談善言與盧鎮業，於首映禮上接受傳媒訪問，二人在拍攝電影前已合作拍攝MV作品，為電影埋位便已一拍即合，談善言表示：「我哋呢套戲好要求生活感，所以同佢一埋位、交流對戲就已經好放心！」盧鎮業亦大讚談善言的毅力與投入：「佢出咗名係意志強大嘅演員，嗰時佢隻腳啱啱好返冇幾耐，就已經要增磅。我記得試造型一見到佢，心諗『嘩！真係唔認得妳！』同以前識落嘅阿談好唔同，已經有說服力！試造型之後就影道具相，好似度蜜月咁，好似真係兩公婆咁！」
談善言與盧鎮業提到在拍攝前，曾一同到余香凝家中體驗照顧新生嬰兒的過程，談善言透露當中過程表示：「試咗一晚、體驗咗一晚，究竟湊BB成晚嘅流程係點，成晚冇瞓嘅過程又係點，余香凝都有講好多感受畀我聽。」小野隨即笑言早於體驗時已入戲做豬隊友老公：「我就試咗半晚、成咗個飯、同BB影咗張相，阿談開始湊個BB嘅時候，我就走喇！非常稱職！」
至於生小朋友的念頭，談善言隨即耍手擰頭：「本身都唔敢嘅！但係拍完之後有見過啲好好嘅拍檔，好似小娟（導演）同佢老公咁，會好似管理公司一樣制定政策、方向，值得參考下㗎！多咗一份想像空間，以前我就唔敢諗，依家可以諗下嘅！」至於目前有潛力組織家庭的拍檔，阿談則笑言：「跳得有啲遠！未有呀，工作上太多嘢要處理喇！」
盧鎮業憑《虎毒不》提名金像男配，入圍者亦包括主演《破．地獄》的朱栢康，朱康與談善言在《不日成婚》系列飾演夫妻，面對「兩位老公」手背手心都是肉，阿談笑言：「計時間㗎嘛，依家佢先係我戲入面嘅老公！今年我撐小野！」小野隨即開玩笑：「你睇下淑貞全身都係肉，所以唔係揀我哋兩個！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
