江美儀表示做完「視后」確實沒有「事後」，她說：「咁梗係唔開啦......真係事後，視后之後就冇嘢發生，你明唔明？！事前先有嘢發生，咁你事後冇嘢發生，差唔多年幾兩年，跟住就好靜。」當被追問原因，她說：「唔知，我真係唔知。」江美儀一直不是TVB親生女，更自爆合約條件會有「minimum charge（最低消費），她解釋：「我比較麻煩嘅，我部頭約係要計有幾多個騷，如果叫我開工，一定要最少有幾多個騷先。因為想有多啲發揮，唔想一個劇幾集搵我，你應承你幾集，但其實幾個月都要留喺香港唔郁得。有時監製叫幫幫佢，但我都好絕情，如果開先例，咁等如無，唔想開先例。」
楊紹鴻擔心江美儀好易得罪監製，覺得不給予面子，江美儀繼續解釋說：「我行呢個合約嘅第一部劇，我係要25個騷，唔夠佢話都照用我，咁如果我跟住應承其他人就對嗰個唔公平，明唔明。我唔得罪，咁我得罪邊個呢，咁不如全部都唔好，總之咁（適合條件）先開工，一來保障自己過足戲癮，二來大家協議。」
江美儀笑言自己最近行「九運」，獲TVB傾續約。她開心謂：「哈哈哈，又傾返簽幾部，依家都係部頭約。」她表現在TVB經常與內地合作拍劇，她的演出既可在香港播出，又可以有內地市場，可謂雙贏，她說：「你問我出面個市係咪咁好，真係唔係咁好，係好差！所以你唔可以同現實去鬥氣，唔可以同錢去鬥氣！好多人都話你脫無啦，出去闖，老實講出面唔係真係咁好世界，風大雨大，既然offer到咁不如繼續，又冇講要我簽親生仔，照俾我部頭我，拍完TVB劇又可以出去自由做嘢，對我嚟講冇壞處，所以我係脫無失敗！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
