今日（23/5）郭晉安現身西貢出席慈善網球賽活動，就事件接受《香港01》訪問時表示：「我想澄清一樣嘢就係，唔好講到咁真，唔好阻住我搵我嘅真命天子，同埋唔好影響到佢。我覺得呢啲係緋聞，得啖笑，唔好當真。（對愛情觀係點？年齡相距咁大都冇乜所謂會接受？）都發生咗我先話畀你聽，唔係事實我唔講。（莊子璇指愛情冇年齡界限！）每個人都有要求，呢個係佢嘅要求標準。（你覺得莊子璇為人？）佢係一個好聰明嘅小妹妹。（同佢相處會唔會有啲感覺？）感覺好好，好親切。（網民嘅批評有否不開心？）唔會嘅，呢啲都係緋聞，大家對一啲假嘅嘢做乜咁認真。（會否因此與莊子璇減少來往 ？）唔會，多數我哋都會一大班人。（會謝絕單獨約會？）應該唔會，我好少同藝人單獨出街。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
