《港式流行2》其中一集，內容是發掘香港的寵物餐廳，蘇韻姿首次帶同愛犬Otis同框演出，雖然大多數藝人會認為動物和小朋友是最難「合作」的對手，不過蘇韻姿卻大讚第一次出鏡的Otis非常乖，表現淡定，完全唔需要蘇韻姿勞氣，她說：「今次拍攝最難忘係同自己嘅狗狗一齊出鏡，估唔到佢喺鏡頭前好乖，令整個拍攝好順利，我亦到好開心可以將工作同生活結合。」
蘇韻姿亦難忘在攝氏15度的低溫下，為節目到馬鞍山拍攝玩水上平衡板，冷得全身發抖，難以在板上保持平衡，狀甚惹笑。蘇韻姿在《港式流行2》中吃盡不少食令人羨慕，但自言拍攝節目後體重增加不少：「開拍節目之前條褲仲鬆，但後期就開始變緊。平日冇開工時，我都會抽時間做普拉提同瑜伽。」
化身音樂劇星級導師
早前完成舞台劇《我們的青春日誌》演出的蘇韻姿，透露正忙跟麥秋成、何遠東等合作主理兒童音樂劇課程。她謂：「我本身有教小朋友音樂劇，呢次擔任星級導師，負責教小朋友唱歌，希望透過呢個課程指導小朋友，令佢哋發揮天賦，我覺得好有意義，亦都好鍾意教導小朋友。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
