美國天后Lady GaGa相隔13年重臨新加坡開騷，假新加坡國家體育館舉行共4場巡迴演唱會《The Mayhem Ball》，喺尋晚（21日）第三場嘅觀眾席上，竟意外見到星光熠熠，當中就有林子祥、葉蒨文、楊千嬅及丁子高等，楊千嬅更因為一頭紫髮，於人群中特別出眾，令觀眾席變成追星現場，唔少觀眾都化身小粉絲頻頻注視佢嘅一舉一動。
有網友就指自己喺Lady GaGa新加坡演唱會現場同楊千嬅合影，並描述其位置就位於自己後方，而楊千嬅作為觀眾之一，未參與表演環節，僅以一般觀眾身分低調出席。但有網友就發文指出，尋晚原本大家都只係靜靜發現楊千嬅身影，未有打擾，但就見到先後有3位粉絲出手拍叫楊千嬅並強行合照，無禮集郵行為明顯影響到楊千嬅，即使楊千嬅已經多次拒絕都未能杜絕粉絲索合照嘅行為，因此佢於開場前都先離開一陣，到真正開騷先返埋位。網友大讚佢EQ高又有禮貌，面對粉絲騷擾行為都未有發火，只係自行迴避。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
