無綫高層樂易玲明日生日，今日（30日）在尖沙咀舉行生日派對，大批圈中藝人出席，當中包括苗僑偉、譚俊彥、朱千雪、傅嘉莉、譚嘉儀、王菲、黃嘉雯、劉偉強導演、吳大強、張彥博等一早到場。樂易玲在兩名愛兒陪同下現身，她表示：「希望身體健康，唔要腰骨痛（使唔使休息下？）過埋呢個禮拜先，過埋港姐second in先啦，聽日仲有記者會（狀態咁fit唔會諗退休？）可以啊？唔好做咁多就得（依家做得辛苦？）唔辛苦，係腰骨痛辛苦啫（有無想放假去邊玩？）而家唔飛得，過咗7月先飛。」
樂易玲續指生日願望是希望身體健康，人人工作順利，世界和平，香港愈來愈好，而明天正日都要工作，晚上則會與家人食飯。問到兩個仔仔有沒有送生日禮物，她笑指他們昨日已一同送上手作的藝術作品，她大讚好靚會放在睡房，他們亦寫了一張充滿心意的生日卡，令她相當感動，今晚則請來許多導演、同事來開心玩下。
苗僑偉（三哥）弗爆到場，甫到場便與樂易玲相擁，他表示：「之前喺佛山拍劇，一直有keep住做運動所以咁fit，今日三嫂（戚美玲）有事嚟唔到，之前女兒畀人誤會結婚，但其實結婚嘅係佢同學。」苗僑偉表示亦認識她的同學，覺得這個誤會好好笑，他說：「唔知阿女係咪拍緊拖，又唔敢問想唔想結婚。（恨唔恨飲嫁女茶？）冇話恨又冇話唔恨，隨緣啦（驚話恨會比壓力個女？）冇，從來唔會，佢冇壓力，自由自在（準備定嫁妝未？）有咩嫁妝，依家咩年代呀（送層樓送間鋪？）嘩咁開心，我儲吓錢先啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
