姜濤晚上現身機場，準備出發巴黎！見他精神不俗，談到身體狀況，他稱沒有大問題：「醫生Check過，一切都冇事，手部有少少受傷，公司建議休息，尋日係意外，跑步坐喺海邊，喺欄桿放鬆吓，點知做咗個唔好嘅示範，跨去欄杆出面。起身有少少暈，跣咗一下，跌咗落水先知咩事。係第一次（跨欄），亦都係最後一次！希望大家唔好，欄杆係有佢嘅功效。」
他又親認有食藥加飲酒：「係啦，有少少唔舒服。（情緒唔好？) 情緒？情緒冇呀，可能大家太擔心我，所有朋友、fans們都擔心。（真係食咗藥？）有，食咗少少止痛藥，因為頭好痛。（飲酒？）少少啦……唔係最大因素，最大因素係自己唔小心，冇借酒消愁，平時少飲酒，我會打吓波。」
他續多謝好心人士拯救：「好多謝所有撈番我上嚟嘅人！我本身都識游水，但好耐冇游！本身都驚，冇預呢個情況，多謝好多有心人畀個救生圈，我都好抱歉，呢件事佔用好多公共資源。唔使擔心！」現場亦聽到Fans大嗌加油，姜濤合十向大家致謝並轉身向姜糖打招呼後離去。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
