曾寶儀聯同導演林明謙，耗時四年走訪病友、家屬、醫師與科學家，打造這部紀錄片。《交換禮物》透過五位病友重新審視人生、放下執著的故事，見證生命動人的轉化。電影播放期間，不少觀眾都感觸落淚，曾寶儀坦言希望這紀錄片成為溫暖的陪伴，讓抗癌路上的朋友知道：「你並不孤單」亦讓其家人或照顧者，從而學習將悲傷放下。
活動後，許家傑及曾寶儀及製作團隊合照留念，並分享感受。近年憑處境劇《愛·回家之開心速遞》中「送水輝」一角入屋的許家傑，表示感激善寧會邀請，讓他可以跟大家一齊欣賞這部感人的電影。他表示：「電影最震撼我嘅係一個想法：『每一件事情都係客觀，你點去睇呢件事就係主觀嘅心。』就好似死亡一樣，好多人好驚、唔敢面對，但其實最可怕就係唔面對。《交換禮物》入面，有人想面對癌症視為一份禮物，係因為我哋好多人太忙，根本冇聆聽過自己身體，成日捱夜或者損耗自己身體，患癌係一個警號亦係一個提醒。冇人想病，但當呢個警號響起，就可以提早令自己改變生活方式，絕對可以好得番。」
家傑表示生命不在乎長短，重要的是看到病患面對治療的痛苦，仍然努力希望活下去，感受到他們對生命的熱愛。多次到賽馬會善寧之家探訪的他表示：「雖然好多已經到達生命的晚期，但他們仍然好珍惜去享受同活好每一日。死亡或者癌症一直係好多人避諱唔想講嘅話題，總係覺得好負面，其實生老病死係每個人必經階段，反而我哋應該學習去面對佢，早啲去正視，絕對係一件好事。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
