有網民在社交網發文指：「好憎啲跑步x/運動x？……中晒毒成日話做人要正面 要有正能量……日日跑步自拍放上網來換取存在感，扮晒自己健康人生好積極好正能量….」文中未有指明道姓，但保錡在社交網發文：「實俾人鬧咗一段時間，有一樣嘢真係好唔明，點解跑步同做運動就係扮正能量？唔可以係為興趣或者想身體健康，純粹好奇。」
保錡又憶述當日開始跑步的契機：「有一日柳爺DM我話一齊跑步，因為跑步嘅過程，大家傾咗好多偈，亦都學咗好多嘢，佢都改變咗我一啲想法，因為我都係一個唔開心嘅人，長期大壓力下生存，其實叫人正能量，同時間都係同自己講，叫自己正能量。我係一個蠢人，亦都係一個白癡，你唔係haters，感謝您。講真，我知道自己做咗啲白癡嘢，都確實覺得自己好onX，但係我鍾意做運動，仲要跑步踢波健身，亦都唔需要特登去同乜嘢人去做，亦都唔需要，因為點解去做。因為我只係純粹鍾意做。」 有網民指因為現在的他給人的感覺很串，保錡就表示：「我唔串㗎，我廢㗎，你可以串我呀，可以鬧我」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
