「影后」衛詩雅（Michelle）、林奕匡（Phil）和柯煒林（Will）在中環出席活動。衛詩雅與醫生丈夫周祉安（Kenley）婚後更恩愛，周醫生早前在社交平台長文感謝太太，分享兩年前接受手術後不幸出現後遺症，打亂了日常生活，慶幸有Michelle一直無怨無悔地在身邊照顧，直言能擁有這樣的親人，是自己三生有幸。
Michelle接受訪問時談及丈夫的病情，她表示丈夫至今仍未完全康復，尾龍骨、盆骨位置不時會感到痛楚，令她相當心痛：「依家每日臨瞓前，同埋起身都會問佢疼痛情況，其實係兩年前因為尾龍骨做咗個小手術，但好唔好彩出現併發症，雖然傷口已好返，但裏面就有炎症，導致盆骨、尾龍骨位置疼痛。其實已經睇咗好多唔同嘅醫生，但係到依家都未搵到根治方法。因為唔止做一次手術，見到佢要全身麻醉，我都喊咗出嚟，有時都估唔到，一個簡單嘅手術會搞到咁麻煩。」
Michelle直言事件令她們患難見真情。她說：「佢都有講唔好意思，因為痛，有時都會呻，我都好明白嘅，佢都屈咗好耐。」談到丈夫指娶到她是「三生有幸」，她說：「我都係三生有幸，佢冇講佢自己嘅好啫，我啲脾氣呀，唔開心佢都好識安慰我，互相支持。」婚後一直未有生育計劃的Michelle，問到是否丈夫患病而打消生BB念頭，她笑說：「唔關事，佢所有嘢都正常㗎，只係痛，我哋本身都冇話一定要生BB，順其自然啦。」
Michelle雖然明天要飛到外地工作，但透露近期多了時間休息，愛吃榴槤的她幾乎每晚吃1個，相當滿足。此外，她又主動特別澄清加價傳聞：「因為聽到有啲人話想搵我做嘢，話聽講我加咗價好貴，其實我冇加價，仲減價，因為都知依家大家艱難，希望大都有工作。」
林奕匡今日40歲生日，他表示會與家人吃飯慶祝，透露今早收到最甜蜜的禮物，他說：「因為個仔得9個月大好細，因為衛生問題，今朝係第一次同佢錫咀仔，真係好開心！」講到在港台頒獎禮，雖然他得獎，但他與所屬的Sony Music全體缺席，傳出Sony Music與港台不和傳聞，他表示：「冇聽過不和傳聞，因為嗰日有工作，所以出席唔到，其他嘢就要問番公司。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
