資深藝人雪妮的丈夫、著名武術指導唐佳昨日（23日）從高處墮下，撞及路邊鐵欄，導致身首異處死亡，享年88歲。多位合作多年的藝人均對此消息表示不捨，當中曾與雪妮於劇集《鐵拳英雄》飾演母女的唐詩詠，向東網直言自己感到非常錯愕，亦曾見證唐佳與雪妮的恩愛表現：「聽到消息都好傷心，佳哥好好，平時佢會陪住雪妮姐一齊開工不特止，唔單止照顧雪妮姐，仲好照顧我哋，有啲乜嘢都會提點，叫我哋飲多啲水呀，佢係一個唔多嘢講嘅人，平時開工都只會好靜咁照顧雪妮姐，但我哋都唔知雪妮姐有胰臟癌，所以都好shocking，都唔知佢哋發生咁大件事。」
黃宗澤亦留言指自己剛入行就認識唐佳，對方更曾半夜攞藥酒幫自己捽，鐵漢柔情叫自己做「阿仔」，對方離世令他非常痛心：「剛入行，我咩都唔識，您教我點拍戲！我受傷了，你半夜攞藥酒過嚟我房話要幫我捽藥酒，如果唔係以後會有風濕！你喺廠見到我拍戲拍到好攰，您話做一個演員一定要照顧好自己！您仲會好溫柔咁叫我阿仔。 。 。 。呢啲點滴滴我到依家仲好記得！喺您身上我學識咩叫鐵漢柔情。 。 。 。我哽咽，我痛心……只希望一切安好！」
汪明荃留言：「佳哥，願你一路走好！雪妮姐，你要保重呀！」
陳山聰留言：「南無阿彌陀佛 永遠記得你對我們後輩的關心，每一個問候」
樂易玲留言：「傷心.... 傷心....難過....難過....悲泣」
徐榮及湯洛雯則上載合十emoji，以表哀悼。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
