35歲TVB女星趙璧渝早前到澳門出席品牌活動，最近電影、電視業都出現寒冬，不少演員幕前工作量減少，趙璧渝亦受到影響，但她感謝TVB，她在三月剛殺青劇集《模仿人生》，她說：「因為上年啱啱完成咗兩套劇。 啱啱係三月頭殺青嗰套， 就係《模仿人生》啦，暫時就未有新劇開， 不過我自己都好努力咁等緊，等緊新劇開啦，等緊嘅同時， 我都會自己睇下出面有冇其他工作機會， 我都會爭取下嘅。 」
「（少咗劇拍收入有影響？） 因為一直都係底薪⋯⋯。哈哈～所以你話係咪影響好大？ 都係咁上下啦～ 我自己覺得「多勞多得」係應該嘅～哈哈～係呀～（有冇做下啲其他工作幫補下收入呀？）有呀，其實我都有做下 KOL 嘅工作， 接啲 project，又或者幫餐廳寫食評咁樣。 又或者內地有啲網劇搵我， 如果有機會嘅話我都會努力去爭取， 希望可以有多啲演出機會。我最近兩年有學瑜伽， 而家今年就諗住再學埋頌缽， 將來都可以成為一個搵外快嘅方向。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
