- 母親自殺原因或與父親有關
- 解剖報告顯示無乳癌，多處傷痕
- 父子爆發衝突
東張西望｜TVB節目《東張西望》昨日（9日）繼續報道一宗24年前的自殺案。報料人天寶的母親是一名小學女教師，24年前被指因不堪乳癌自殺身亡，但去年他翻查案件時，懷疑母親當年死因另有內情。解剖報告顯示未有乳癌跡象，反而身上有多處傷痕，更懷疑與父親有關。
最新影片：
昨晚（9日）節目披露，任職小學教師的天寶母親於2001年2月被發現在家中花園車內燒炭身亡，天寶父親同樣是教師。當時年僅10歲的天寶對母親自殺原因不明所以，只知父母關係欠佳。天寶回想認為母親尋死早有端倪，並從大姨口中獲悉母親及家人當年早知父親有第三者，而外遇對象就是後來再娶的同校教師「繼母」。
東張西望｜父親再婚對象引疑慮
節目中，天寶透過社交媒體找回失聯多年的大姨，大姨揭露天寶父親當年出軌：
佢（天寶父親）有第三者，我哋知嘅，佢自己間學校全部都知，佢就話冇，我哋問佢係咪有第二個女人，佢就話冇！我哋懷疑佢（妹妹）因為3年嚟嘅折磨，佢平時唔會飲酒，唔知幾時開始飲，我細妹可能太辛苦，可能咁樣自殺。
天寶表示母親去世2、3年後，父親再娶同為教師的繼母：「個小三就係我媽媽過身之後，再娶呢個。」他指控父親：「爸爸將啲罪名推晒俾媽媽，隱瞞好多未講嘅嘢，講咗好多懷疑係大話。」天寶明白揭露此事可能導致父子決裂，但認為要保護母親：「唔係我，我唔係主要因素，係佢（父親）嘅行為導致關係決裂。」
東張西望｜鄰居透露關鍵線索
大姨表示當年從妹妹的鄰居口中得悉事發經過：
架車防盜器響咗半個鐘至一個鐘，佢都唔出嚟，響到成條村醒晒，見佢冇反應，管理處打電話俾妹夫冇人聽，管理員去屋企拍門，撳鐘，都撳咗好耐佢先出嚟。個過程係咪有啲疑問，佢（妹夫）係咪知佢自殺而唔去救佢呢？
東張西望｜重案組曾介入調查
大姨透露案發一個月後，重案組曾介入調查：
當晚我細妹死嗰時，佢老公拖咗佢落地下等救護車，原來佢大仔醒咗，佢（大仔）話佢老竇用手撳住媽媽手腕脈搏，然後睇住手錶。你見到一個人死咗，佢係教體育嘅，佢唔會唔識急救，佢係咪應該做急救呀？唔做急救點解要摸住佢脈搏睇錶。
大姨引述警方調查結果指出妹妹並未患乳癌：「我妹妹係一個好慳嘅人，佢所有碌卡開支都係超級市場，冇喺第度使大筆錢。（警方）查過佢冇買股票記錄，細妹將一嚿錢俾咗一個女人。」
東張西望｜解剖報告排除癌症
天寶曾到法院死因裁判庭取回母親的解剖報告後發現：
我媽媽冇乳癌，媽媽吸入一氧化碳含量好低，可能唔足以導致一個人死亡。見到我阿媽頸、背脊、膝頭多處傷痕，如果俾我發現到我媽生前，唔知佢係郁手，動手傷害過我阿媽，我一定會循法律途徑（追討）。
天寶母親的化驗報告亦明確列出：「屍檢沒有發現乳房有惡性疾病」，剔除因癌輕生說法。關於一氧化碳中毒部分：「碳氧血紅素飽和度為24%，水平似乎沒有達到足以解釋她死亡的唯一原因」。更驚人的是報告記載死者身體多處曾經出現受過暴力對待，多達16處身體傷痕，包括右大腿內側面積約17x4公分擦傷，左側腹股溝區域和左上大腿內側前部，出現小片狀點狀擦傷面積約20x8公分。
東張西望｜父子對質衝突爆發
天寶約父親見面前先祭拜母親，後來卻遭父親臨時爽約。天寶其後上門質問父親，見到父親時一度情緒失控，質問父親當年指母親患乳癌，父親見狀當場報警。雙方爆發肢體衝突，父親聲稱被觸碰，並用手電筒照射天寶與鏡頭。天寶怒問父親是否還要繼續狡辯。
東張西望｜父親拒絕受訪
《東張西望》後來聯繫上天寶父親，但對方拒絕任何形式的訪問，不過面談期間透露了一些情況。對於拒絕交出遺產管理人身份的質疑，他回應：「並無有關身份、只有媽媽生前證件、可以協助天寶追查、天寶無權使用文件」。被問及外遇問題時承認：「承認有小三、時間點不配合、並無確切交代細節」。關於對外宣稱妻子患癌一事，報章引述由其夫透露，他表示，「當時情緒混亂，『你鍾意點寫就點寫』引致結果。」天寶表示如果有人做錯事，若涉及法律問題，就應該要接受應有的法律制裁。
相關報道：東張西望｜24年前新界女教師燒炭自殺案 兒子為亡母翻案疑與父親外遇有關：佢害死我媽！
同場加映｜9大輕生警號
香港大學社會工作及社會行政學系副教授黃蔚澄博士（Paul）曾在受訪時表示，每人都會有負面情緒，故自我覺察和排解很重要，身邊人的觀察亦是關鍵。他強調，細心留意生活細節，可及時阻止輕生行為；若情況未有改善，建議尋求專業協助。
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
