藝人陳豪於無綫熱播劇《執法者們》中的角色際遇差強人意，幸而現實生活幸福美滿。與太太陳茵媺情比金堅的他，唯一「失落」是對方不懂其文采詩意，而即使細女性格強悍，有時令他頭痛，但提起囡囡時陳豪依然冧爆。
陳豪於《執》劇內飾演檢控專員，曾想用法律專業知識救助「摯愛」宣萱免受牢獄之災，最終發現愛上不愛自己的人，同時亦因醉心事業與「女兒」何依婷的關係一度疏離。談到今次演出，陳豪有感而發：「（角色）際遇唔係幾好，佢嘅世界只得法律！（你幸運好多！）托賴啦，屋企有位大天使，仲有3隻小天使。」
出名「好男人」的他對太太陳茵媺（Aimee）的照顧無微不至，12年的相處不忘將心比心，由拍拖不久開始，他已換來Aimee一句：「好似識咗你好耐咁！」講到老生常談的夫妻之道，陳豪口脗恍如專家：「氣上心頭有啲說話都唔可以衝口而出，插咗刀就係永恒嘅烙印，覺得關係淡咗就想方法將愛燃燒。做媽媽係需要放假抖氣，所以我有機會一定會帶Aimee出去enjoy吓！」他揚言支持太太外出工作：「佢都有睇緊劇本，依家內地又多咗啲工作。照顧小朋友要父母共同承擔，唔可以單靠一邊。」
限18歲先准拍拖
陳豪夫婦與子女採取朋友相處模式，鼓勵他們發表意見，甚至有感科技資訊發達令小朋友漸趨早熟，會開始與他們討論較深入的話題，包括兩性關係：「佢哋遲早都會接觸到，如果由我哋同佢哋解釋，可以灌輸正確思想，等佢哋日後自行選擇合適嘅路，唯一我揸得緊嘅，係囡囡要18歲先可以拍拖。」陳豪補充指其實都鼓勵年輕人放膽戀愛：「失戀都可以令你有所得着，可以從失敗中學習，挫折後知道呢個世界其實冇得追求平等嘅。」
他感恩3名子女都算聽話，會令他間中感到頭痛的，只是陳家小公主的女漢子性格：「佢天生比較強悍，大情大性兼充滿正義感，好多時都想採取主導，鍾意對抗權力，我同Aimee覺得需要矯正佢嘅態度。（想送佢同兩個哥哥去留學？）會嘅，但等佢哋入大學先，想佢哋打好中文基礎先。（你都係番書仔喎！）我中文唔錯㗎，試過執筆寫咖啡書。（寫情信畀太太？）佢唔識睇中文，發揮唔到我嘅詩意，哈哈！」
髮型：Benlam @ iL colpo
本文作轉載及備份之用 來源 source: http://hk.on.cc
|
鍾意就快D Share啦！
|
|
|
