《麻雀樂團》7月29日第二集劇情講述司徒久（譚俊彥飾）自得悉女兒家明（郭柏妍飾）是大提琴手後，向來麻甩的他竟在家中添置了一組超昂貴高級古典樂音響，令程朗（黃庭鋒飾）及程晴（胡敏芝）大感無奈......為了積極爭取與阿女家明相處機會，久哥不理「管家婆」兼麻雀館會計鐵姐（李佳芯Ali飾）反對，大額投資港灣樂團。
麻雀樂團｜Ali搜百副眼鏡「傻氣大增」
Ali與阿譚有大量對手戲，二人大晒喜感之餘，由於劇情交待了Ali為何鍾情阿譚多年，二人更要齊齊戴「假髮」逆齡15年演學生妹及後生仔。先說Ali的逆齡Look，除了又厚又娘的假髮，還有一副「薯嘜膠框眼鏡」，令Ali瞬間「傻氣大增」，望落還有點似林亞珍！對此，阿譚接受官方訪問時爆料指，Ali為了演活薯感十足的入世未深學生妹，她與阿譚齊齊衝入化妝間搜羅眼鏡，結果從百多副眼鏡中精挑細選了現在這一副：「我同Ali一開廠就衝入化妝間搵咗百幾副眼鏡，我幫佢揀咗十幾廿副出嚟，佢自己再揀咗呢一副。」
談到自己的「長假髮豪氣青年」造型，阿譚笑言感激團隊的精心設計及打造，並謂只要與Marco合作，他便整個人交給梳化團隊「處置」：「Marco成日教我要相信側邊嘅人，所以我每次造型，都完全相信團隊。」不過向來處事認真的阿譚，還是細心地幫角色加了一隻別具意義的手錶，以增加角色年代感：「十五年前嘅久哥戴嗰隻金錶，其實係我自己公公留畀我嘅遺物，我覺得好啱久哥15年前嗰個年代戴，估唔到戴咗真係年代感出晒嚟。」阿譚透露，為了配合劇情，稍後還會出動私伙菲林相機與Ali影畢業相，相當有心。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
