▲泰山患前列腺癌，抗病約半年情況好轉，呼籲病友勿輕易放棄。
【泰山 / 癌症/ 前列腺癌】泰山患癌！現年50歲本名曾匡民的商台DJ泰山除做電台DJ節目主持外，並開設個人YouTube頻道「泰山自煮 tarzancooks」分享烹飪心得，可是近半年忽然減產，對上一次出教學片更已是5月底。
直至今日凌晨，泰山在其YouTube以「2025年給我人生一個巨大挑戰」為題發布新片，自爆在今年一月尾、農曆新年前夕因小便不暢順睇醫生，經檢查後確診患上前列腺癌第四期，癌細胞更已擴散至盆骨、頭骨、胸骨、膊頭、尾龍骨，並需即時打賀爾蒙針、食標靶藥。
泰山在2月才開始做化療，每3星期一次，直至5月尾完成，其後再需進行10次電療，稱：「成個6月都喺度做電療，隔一、兩日就要做，做完電療好攰，真係拍唔到片。」直至7月頭再轉至腫瘤專科中醫診所，接受其餘治療。
吳文忻抗癌︱長女陳芊彤越大越靚勢成最美星二代 吳文忻認癌病復發與情緒有關：離不開一個愛字
泰山患癌︱保持樂觀心態抗病
最初情況不樂觀，幸她他現時「90%癌細胞已經走晒」，即反映前列腺癌細胞指數的PSA level由最初確診時的57，跌至現時0.8，而正常男士在4或以下。
泰山坦言最初曾諗過：「我係咪就咁玩完？」與太太一起無奈呆坐、哭泣，稱當時首個反應是：「我第一個感覺係睇唔到自己細路大，唔可以同泰嫂一齊老落去，唔捨得屋企人。」
他感恩在化療過程中獲得恩典，化療副作用輕微亦沒明顯跌磅，體型依舊圓潤。他指，最近開始恢復精神，將慢慢回復工作：「而家可以話係被控制之下，與未瞓醒嘅癌細胞一齊共存。」
他表示需要健康飲食做運動：「大家隨時可以提醒我做運動，食多啲菜。」他呼籲同路人病友不要太早放棄，要保持樂觀心態：「醫生嘅經驗見到，心情唔好嘅病人，病情轉差嘅機會大好多。」
最後，他語重心長提醒：「老土都要講，活好每一日，個人放鬆啲、脾氣少啲大方啲，笑多啲陪屋企人多啲，畀啲耐性身邊所有人。」
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
