掃呢頁CODE去手機

2025年7月20日 星期日

Ian(陳卓賢):Ian開唱遇打風叫Hellosss盡情享受 返閨抱愛犬開Live找數 #Ian #陳卓賢

MIRROR成員Ian陳卓賢巡唱去到最終站澳門尾場,演唱會昨日打風下提早30分鐘開場,但未有影響場內熾熱氣氛!Ian依然落力演出,又彈琴又彈結他,還感 ...






MIRROR成員Ian陳卓賢巡唱去到最終站澳門尾場,演唱會昨日打風下提早30分鐘開場,但未有影響場內熾熱氣氛! Ian依然落力演出,又彈琴又彈結他,還感謝觀眾風雨不改支持:「好多謝大家無懼風雨,都嚟到呢度,好多謝你哋。今晚呢個場就好Free嘅,雖然出面好似落好大雨咁,但係呢度好安全,大家亦可以想做乜就做乜,想笑就笑,喊就喊,想企起身就企起身,想坐低就坐低,所以希望大家可以盡情享受。」


Ian又說:「今日提前咗開始,希望大家可以返到屋企,因為知道除咗澳門,仲有香港同其他地方嘅朋友仔,大家返屋企都要啲時間,所以今晚捉緊時間,多謝大家嘅陪伴,雖然早咗完,但係都唔會Cut歌嘅,我唔係好叻Talk,就不如盡量啲Talk位減少。」


作為巡唱最後一場,Ian特別準備驚喜,在第二次Encore時,除恤衫上印有愛犬雞髀張相,還斜孭貌似雞髀的袋現身,令雞髀另類登場,而Ian就在觀眾踴躍發聲投票下,唱出全新作品《樹會流眼淚》!


Ian又表示:「今日咁早同大家Bye Bye,又唔係幾好,有冇人今晚返到屋企仲可以開Live?」當聽到全場尖叫,Ian就約大家今晚網上見,然後再唱出《背伴》以及再演繹一次《DWBF》。而他亦言出必行,返到屋企即抱住愛犬開Live找數。



本文作轉載及備份之用 來源 source: http://hk.on.cc
鍾意就快D Share啦!