應屆港姐冠軍陳詠詩、亞軍施宇琪、季軍袁文靜與「最上鏡小姐」李尹嫣今日（16日）到尖沙咀出席活動，施宇琪因身體不適未有接受訪問。陳詠詩透露每日也會敷Mask護膚，問到現在貴為港姐冠軍，是否落街也要化妝？她說：「平時就遮瑕，同埋戴口罩。」對素顏冇信心？她說：「唔係，其實鍾意自己素顏，同埋就算化妝都會戴口罩，因為唔想畀人認到，呢個禮拜低調啲，有時去超市買餸，都唔想畀人影到。」
袁文靜󠄉被問到可有港姐包袱，出街會否袙被認出？她說：「啱啱去深圳都有啲中學生認到我，叫我個名，其實自己唔係咁鍾意化妝，如果可以唔化妝都唔會化妝，自己有皮膚敏感，平時都會注重皮膚保濕。」
近日袁文靜在佳麗中先跑出獲無綫安排拍攝中秋宣傳片，她在社交網分享通宵拍攝，體驗到拍攝的辛苦，自言過往不知道辛苦是甚麼意思，但自從選港姐後已經成為了「TVB特種兵」，覺得沒事，能撐得住，她表示：「由下午兩點化妝，拍到第二朝七點半，因為要拍月光，唔淨只有我，大家一齊拍，雖然好辛苦，但係都好開心。」笑問可有在宣傳片中晒招牌Rap?她說：「冇呀，我都好想Rap，你哋幫我提議一下，Rap畀拍攝難好多，因為拍攝可以NG。」講到現場以廣東話介紹物品時甩甩咳咳，她指雖然有準備，但也覺得很難讀。
陳詠詩被問到可希望快點有其他工作安排？她說：「呢排出席活動比較忙啲，但係都有工作安排，遲啲再公布。」問到是否參與全運會？她說：「應該會嘅，自己都想試吓做主持。」李尹嫣則自言一向貪靚，選美前也有研究化妝，得到化妝品獎品，可以慳一筆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
