藝人鄧月平（Larine）一向做事積極，面對影視寒冬，沒有半點氣餒，反而努力習武，好好裝備自己，估不到，近日更打出一片天，於大型跆拳大賽中奪冠，10月將代表香港到馬來西亞參加亞洲賽。
Larine參與今次比賽，除密集式受訓外，還意外地要越級挑戰：「我本身係同50kg以下嘅對手對賽，但因對手受傷退賽，結果只可以參加50kg以上嘅組別，之前都未試過參加跆拳道搏擊比賽，估唔到原來比我想像中嘅仲要難得多，加上對手好強勁，壓力都好大。」Larine直言落場頭10幾秒緊張到一片空白，之前練的組合步法完全忘記：「當時呆企完全唔識郁，好彩對手兜口兜面打咗我幾拳，好似幫我開機咁，成個醒番晒，即刻去打，但佢防守好強，同埋偏冷靜，好多時我想出腳佢已經跳走咗，最後我惟有畀塊面佢打，等我可以起腳，因為佢兩次出咗墊外，最後我險勝。」
Larine苦戰成功，但卻換來一身傷，被對手踢到前小腿爆肉見血兼瘀了一大撻，睇見都覺得痛，但Larine覺得一切都值得，並揚言會繼續打落去，全因她有一個希望，便是將來有導演想搵打女時記得她，Larine表示：「希望慢慢儲經驗、儲成績，將來有導演開戲想搵識打嘅女演員會諗起我。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
