香港男神劉俊謙於揭幕禮後接受媒體訪問，談到難得有機會戴上名錶，笑言平時習慣戴運動錶及潮流錶，感覺戰戰兢兢：「覺得左手穩重咗好多！同埋好驚佢甩同刮花！」劉俊謙久未露面，表示最近正在拍攝新作，但未能透露作品具體類型或題材，預計將於年底完成。
談到影視作品，鄭保瑞早前對外透露《九龍城寨之圍城》續作將會先開拍《終章》，意味劉俊謙在內的「城寨四少」將不日重聚回歸！劉俊謙受訪時未有回應具體拍攝檔期：「確實時間未知，但平時都有運動操開，但都會好密集式特訓！」對於鄭保瑞導演於節目上以一個數字「8+1」形容劉俊謙，他笑言讚同及感謝：「多謝佢咁講嘅，我覺得佢都睇得我幾透徹！」形容與鄭保瑞之間似父子一樣，每當遇到演藝或對世界思考感到困惑，都會與瑞導傾談，對方亦是非常有耐性的聆聽者。
在演戲以外，劉俊謙亦表示多年來對創作熱誠不改，至今仍想繼續寫故事：「一直都想寫自己嘅故仔，自編自導嘅！（什麼題材？）唔講得」劉俊謙笑言劇本至今十劃未有一撇，但近日生日的他亦表示：「希望轉字頭（40歲）之前可以完成到！」
劉俊謙早前於網上頻道《試當真》憑網片《140520》提名「白金像獎」的最佳新演員，他笑言未有如林家熙一樣希望擊敗古天樂得獎，反而大開玩笑指：「如果講新演員古生實至名歸大家經驗都唔少，古仔都算新囉，畀個機會佢」更表示林家熙亦應讓出機會，再加碼開玩笑指：「因為古仔都係出道冇耐嘛！我哋有時要帶啲新人出嚟嘅！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
