掃呢頁CODE去手機

2025年9月6日 星期六

Edan呂爵安認經濟環境令資源較少:藝人好難有穩定工作 #Edan #Edan@MIRROR #呂爵安

Edan呂爵安與阿正今早(6日)合體搵真銀,兩位在台上又自爆相識經過係因為玩交友Apps。提到早前阿正爭取為弟弟做紅娘,想撮合Edan好妹妹小如豬,阿 ...




Edan呂爵安與阿正今早(6日)合體搵真銀,兩位在台上又自爆相識經過係因為玩交友Apps。提到早前阿正爭取為弟弟做紅娘,想撮合Edan好妹妹小如豬,阿正表示私下有問過小如豬:「佢話可以食下嘢。」Edan就半落閘表示可以識朋友,又叫大家不要給太大壓力。

Edan與阿正齊齊出席活動。(陳順禎攝)


阿正近日搬屋,但她否認是賺大錢,又表示:「如果多個人就好,所以擺咗兩個枕頭。」但即被Edan笑另一枕頭是畀貓貓用。問到二人之後會否繼續合作搵真銀,阿正笑言一齊擺心心動作並非尷尬,而是難受,但如果薪酬可觀,也不介意更親密。Edan則自稱是專業演員,「有好角色的話,導演叫到,咀!」

派心心時大家都好勉強。(陳順禎攝)


另外,對於有網民批ViuTV經營藝人不濟,Edan表示:「資源嚟講大家都比較少,因為經濟無咁好,電影都進入冷清階段,而我哋呢行好難有一個穩定嘅工作機會或來源,所以好多時都要睇時勢,當然我哋好好彩,有好多工作機會,我相信想入行嘅人,有得進入一個公司或電視台,好似我當初入MIRROR,有咩機會就去做,未有機會就裝備好自己,呢個年代可能用社交媒體都可以令自己被更多人認識。咁希望大家嚟緊可以有更好,有更多資源做唔同嘅嘢嘢。」

但話如果價錢OK唔介意拍咀戲。(陳順禎)



本文作轉載及備份之用 來源 source: http://www.hk01.com
鍾意就快D Share啦!