▲陳凱琳轉型「飲食KOL」爆負評獲老公鄭嘉穎1金句開導 霸氣回應「被收養」傳言
港姐爭議︱好高EQ！前港姐冠軍陳凱琳（Grace）近年轉型成為KOL，更被外界封為「最吸金KOL」。不過，人紅是非多，Grace經常面對網民大量負評，她近日接受訪問時就針對三大負評作出回應，其中包括最多人議論她和細佬的混血樣貌、被質疑非父母親生的傳言。
Grace日前接受方健儀網台節目《女人方言》訪問，談及由港姐轉型成為KOL的契機。她回憶當初選完港姐，公司已給她機會拍劇，雖然看不懂中文劇本，但當初覺得慢慢訓練始終會有進步。直至婚後生完大仔，遇上疫情，她和老公鄭嘉穎覺得未必在短時間內有劇拍，於是開始思考未來的發展道路。Grace向老公坦承「我覺得拍戲我都鍾意嘅，但係你問我，我都覺得我可以試吓拍網上嘅片先囉！」，而鄭嘉穎亦理性為她分析，認為老婆的確未算對演戲十分狂熱，於是鼓勵她可以嘗試轉型網上拍片：
佢係話，如果你想做戲，首先我會話畀你聽，你會浸多十年你先至可以得到某一啲成就，或者你會感覺上真係有信心做起，但係如果你覺得呢十年時間你foresee唔到你真係可以咁樣去沉溺去做呢件事，不如試吓轉型。
獲封「最吸金KOL」 自家品牌朱古力爆負評
Grace轉做KOL後深受公關和品牌歡迎，外界給她「最吸金KOL」稱號，但她直言不喜歡，認為不應這樣用錢去衡量一個人，亦不應被它定義自己身份和存在價值。而她在KOL行業打拼一段時間後，想學做生意，更第一次嘗試踏足飲食業，早前開設了自家的朱古力品牌；但就因媽咪麵朱古力及朱古力大福口味強差人意，加上網民覺得Grace「老是常出現」，總是在賣廣告，而惹來大量負評。
對此，Grace坦言其實一早預咗：
我第一刻已經知道飲食係好容易會出事，因為每一個人嘅口味，學你話齋都會唔同，第二就係因為為我哋嘅食物真係任何時候都買到、可以食到嘅時候，你嗰個percentage of人哋會攻擊你，會更加上升。
她還透露最初睇到網民狠批媽咪麵朱古力難食及掉落垃圾桶時的反應，就認為都是「搏少少流量」的做法，所以她睇得好開：「一個人覺得唔好食，其實佢都唔需要特登去拍片，糟躓你嘅食物，有啲人會話浪費食物、抌呀各方面。但我睇到呢件事，我好明白佢嘅心態係咩，我明咗呢件事嘅時候，我就覺得唔緊要。」但Grace都有承認朱古力大福是有進步的空間，表示會反省，之後才會有進步：
首先我哋唔好話一睇到就話「點解你咁樣講我㗎？你真係好mean！」係咪我哋有事先？我哋有冇出錯？如果我哋有出錯，我哋一定要承擔呢個責任，同埋say sorry，咁咪Move on囉。
Grace更笑指，老公鄭嘉穎和她性格一凹一凸，當她不能理解外界抹黑的時候，老公就會安慰她：
佢就會同我講真係唔使點理，最緊要你問自己你係咪想做呢個生意，你係咪想keep on going。
最新影片：
霸氣回應非父母親生傳言
Grace自參選港姐以來，一直被外界指她與弟弟的樣貌有混血感、似印度人，不似父母般是中國人樣貌，甚至因而有人質疑兩姊弟是被收養、非親生。林作更曾稱自己願擲1000萬，要求Grace與弟弟驗DNA。
方健儀對此都直言「睇唔過眼」，說將心比己，若事情發生在自己身上都會有不開心。但Grace就果斷否認：「我冇㗎，我冇事，我真係冇事！」，並表示不會當這傳言是一種侮辱：
如果我俾人感覺上講介意，就代表我都對呢一個國籍嘅人有一種批評， which I don’t.
她認為有任何傳言出現，最重要是向當事人了解。她自己都有問過父母，透露父母反應由始至終都是「冇嘢」：
咪俾佢哋講，冇乜嘢，我仲嬲嚟做咩？（父母）我哋真係你爹哋媽咪呀嘛，咁我哋可以點做啫？咁人哋叫我去做DNA Test，唔通佢哋話我哋唔係就唔係？
【最後召集！】把握機會參加水墨藝術大獎，贏取豐富獎品！【點擊睇詳情/報名】
《醫度問‧醫度答》幫你問醫生! 第2期主題：「生蛇 (帶狀疱疹)」，獲選問題仲有禮品送! 詳情:https://tinyurl.com/yzk2vusa
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
追蹤TOPick WhatsApp頻道睇最新親子、健康、生活資訊︰http://tinyurl.com/3dtnw8f5
|
鍾意就快D Share啦！
|
|
|
