談及與郭晉安的合作，原來他們也曾在《老表，你好hea！》中飾演母子。郭晉安：「你都係做我阿媽，修哥做我阿爸。」羅蘭姐說：「同佢做戲好開心，點解呢，因係佢好乖仔。」郭晉安也說：「其實所有同你合作嘅藝人，對你都有一份好親切嘅感覺。我記得早期入TVB，第一次同羅蘭姐合作，羅蘭姐都係當TVB係屋企。佢話台慶就好似過年咁，大家一家人為台慶慶祝生日。」羅蘭姐：「係呀，我見到亮燈，好似自己屋企咁，好開心。」講起拍攝《金式森林》的點滴，羅蘭姐表示不覺等辛苦：「又唔曬又唔凍，好舒服。」
適逢臨近萬聖節，羅蘭姐表示，自己為「哈囉喂」代言已經有11年。「11年前，唔經唔覺。」郭晉安也感嘆羅蘭姐扮恐怖的表演深入民心：「以前最鍾意就係睇你做問米嗰啲，細個睇完瞓唔到覺。」羅蘭姐又說：「配埋啲音樂真係好恐怖。」兩人又表示，《金式森林》的成功是所有人的功勞，更直言希望《金式森林》能獲等「最佳劇集」獎。羅蘭姐說：「唔係自己攞，聽到成套戲攞，自然就開心啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
