由談善言（阿談）、女團COLLAR成員Gao、袁富華（Ben）以及梁仲恒主演舞台劇《鱷魚之吻》將於下月頭上映，近月，眾演員不停為該劇綵排，首次演出舞台劇的阿談、Gao在綵排時都非常認真，阿談更在排練過程中不斷為自己加添難度，於揣摩角色時會不斷去轉換眼神與表情，望令角色更加有層次感。
談善言受訪時亦坦承對於首次演舞台劇感壓力，但她亦享受這份壓力：「壓力一定有，但係都好期待大家圍埋一齊用一個多月嘅時間去排練去尋找和塑造一個最終嘅劇本，再係舞台上一氣呵成完成兩個鐘頭嘅表演，一定會好痛快！（舞台劇同拍電視、電影有甚麼不同？有咩吸引妳今次演舞台劇？）我覺得係演員嘅主導性比電視電影都要大，因為上到台演員直接呈現俾觀眾睇，冇經剪接，同觀眾最直接嘅互動，同呼同吸，亦可以訓練自己享受就算有啲咩甩漏，The Show Must Go On呢種刺激。」
阿談還指今次跟資深舞台劇演員袁富華合作，獲益良多：「Ben哥係一個有豐富舞台經驗嘅演員而且唔吝嗇分享心得嘅人，今次亦都係第一次咁長時間合作，期待今次可以喺佢身上學到更加多表演嘅技巧同埋劇本分析能力。」
阿Gao被問到今次演出如何投入角色，並且會否特別做些心態或肢體訓練？她表示：「我哋嘅團隊好好，提早安排戲劇workshop比我哋，對於無經驗嘅我嚟講係一個好大嘅安全感，令我對於舞台劇演出有一個概念，相信對於喺正式排練上實踐起來會係一個好大嘅幫助。」
《鱷魚之吻》編劇葉念琛與袁富華均對阿談、阿Gao讚不絕口，袁富華直言不會當她們是「新舞台劇演員」：「因為演員嘅核心係唔會變嘅。可能喺平台上未必純熟，但我相信以佢哋嘅才華同天賦，一定可以創作得好好。大家排戲時最重要係放心投入，互相揣摩角色，慢慢磨合戲嘅節奏同方向，排練嘅氣氛就會令大家更投入，合作自然會愈嚟愈好。」
葉念琛則表示在圍讀以及綵排期間，兩人都好願意去表達自己的想法及情感，這是一件非常好的事，亦都令她們很快跟一班好有演舞台劇經驗的演員打成一片，他還笑言阿談綵排到「唔捨得走」，十分投入，所以，他非常期待下月舞台劇的正式公演。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
