藝人張家輝與胡杏兒今日（10日）出席ViuTV播出的新劇《絕命法官》記者會，杏兒更帶同大仔到場。講到劇中不乏TVB出身的藝人參演，家輝指感覺良好：「大家都好熟悉，好有親切感，又有年輕一輩加入。」至於曾是無綫花旦的杏兒就笑言：「都係TV啫！」家輝稱今次相隔20年再拍劇，初時擔心自己再拍劇會「回塘」：「原來都仲係有料到，拍之前都驚套劇會臉譜化，但導演灌注時代元素，睇番發覺係意料之外嘅好睇。（對收視有信心？）有。（你套劇同宣萱嘅《巨塔之后》打對台。）下次續集叫埋佢一齊拍。」杏兒即時贊成，稱對方曾演過法官，擅長背對白，被笑指現時雙方是競爭對手時，家輝指大家只是為工作，至於會否擔心觀眾口味不同，他坦言難以估計，杏兒就指劇集在內地數據佳。現場見家輝戴帽示人，他透露正為新片開工而剃頭，順便為劇中角色贖罪，他自言在演藝生涯曾多次剃頭演出，今次更是由他主動提議。
提到杏兒的好姊妹胡定欣日前在社交網突然公布已婚喜訊，胡杏表示自己事前完不知情：「佢好神秘，佢出Post前半小時先同我哋講，可能太多人知嘅話，佢好多嘢要應付，我唔會嬲佢，不過都有問佢點解咁神秘，但好戥佢開心，見到佢嫁到個好老公。」杏兒笑言若對方有喜當然開心：「我唔排除，但有冇喜都係開心事。」
胡杏兒又解釋結婚其實係好開心的一件事，不過胡定欣真的好秘密：「我哋班姊妹真係唔知，反而係畀你哋早少少先知。佢係收得好埋，我都好明白佢咁緊張，因為有好多嘢都要處理。其實我都有同佢講，我哋都想睇你，點解你咁秘密？（咩原因咁秘密？）我哋都明白大家都係藝人，大家都知道佢點解會有咁嘅選擇，最緊要係佢哋開心。」
講到她與老公結伴出席莊思敏的婚禮，她解釋因老公跟莊思敏相熟，問到定欣與莊思敏的前度男友同是吳浩康，她現身莊思敏婚禮，可會影響跟定欣感情？她稱不會，又指不知兩人結婚時間如此接近，着大家不要太多揣測。而有網民指吳若希在莊思敏婚禮上獻唱《越難越愛》不吉利，杏兒指大家當時只是玩玩而已。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
