視帝郭晉安去年宣布與結婚18年的藝人歐倩怡離婚回復單身，與子女關係密切的他指一對子女相當開明，更鼓勵他找個伴。不過，他雖然不抗拒有新戀情，但亦不會採取主動，要看緣分的安排。
3屆視帝郭晉安重視家庭，坦言現時家人佔其人生比重多達7成。他主演台慶劇《金式森林》，外間焦點放在家族爭產、明爭暗鬥上，將家庭放在首位的他反而着墨當中的家庭和親情關係，故以家庭劇來形容此劇。講到劇中父子反目，拍攝後會否對他與子女的相處有新啟發？他笑說：「又冇嘅，唔相信同仔女會去到嗰個層面。」
事實上，安仔對子女愛護有加，雖然管教嚴謹，但一直會抽時間溝通，所以關係密切，即使早年兒子經歷反叛期，有過激烈爭拗，更冷戰過數周，但他相信只是必經階段，現時父子已回復「糖黐豆」關係。對於兒子在英國升學，他相當放心：「陪佢開學之後，就等佢獨立生活，等佢睇吓呢個天地係點，因為我都係16、17歲就出嚟拍廣告，21歲搬出嚟住、返TVB，所以唔認為我對仔女做唔到。」
談情不設年齡界限
與子女相處融洽，婚姻卻觸礁，安仔去年宣布與結婚18載的歐倩怡離婚，前妻最近傳出有新歡，安仔對此不願多談。至於講到何時再找個伴侶？他說：「感情唔係去搵，係有一個安排，回想自己人生遇到每段感情，都係緣分巧妙嘅安排，唔會落閘，亦唔會去搵。」問到子女會否是他展開另一段感情的考慮因素？他笑說：「唔會，因為個女今年情人節仲祝我情人節快樂，快啲搵到個情人。佢哋兩個比較早熟，好開明，因為一路都有同佢哋傾偈，亦將離婚呢件事同佢哋傾，照顧佢哋嘅諗法，畀信心佢哋談情說愛，健康成長。」
另外，他與陳曉華劇中發展忘年戀成為熱話，問到回復單身的他現實中可接受忘年戀？他說：「由始至終都覺得感情世界唔應該睇年紀，感情係冇分年齡限制，但係幾時遇到、點樣去建立，先係困難。」除了拍劇外，他亦為其創立的健康產品上市公司擔任非執董，日常在會議監察公司運作，他說：「要畀意見，非執董範疇就係睇住公司，公司有決策，自己就代表股民監管公司運作。學習中，好似收到劇本咁，會有困難嘅地方，學習去克服佢。」
場地：帝樂文娜公館
本文作轉載及備份之用 來源 source: http://hk.on.cc
|
鍾意就快D Share啦！
|
|
|
