藝人陳百祥今日（8日）以嘉賓身份出席TLP匹克球記者會，見證全職球員簽約。他被問到會否幫傳病危的關淑怡時，他說：「其實我個個都想幫，係佢哋自動嚟搵我，可能關淑怡唔想唱歌啦，我覺得係緣分嚟嘅，我同佢唔熟，譚詠麟（阿倫）同李克勤同佢一間唱片公司，冇同我同一間公司，佢冇做藝員，又冇同我拍過戲，當然問候佢啦，我覺得自己好多嘢都係運氣，但生老病死人係控制唔到。」
至於談及和曾傳不和的譚詠麟破冰，他否認跟阿倫反目：「梗係冇啦，只是我哋喺球壇發展方面唔同咗啫，佢哋嗰班球員個個上晒岸，我成立嗰班球員就個個都要搵食嘅，啲人搵我踢波，酬勞高過無綫20倍，次次踢波喺內地都有10億點擊，所以菊梓喬被無綫封殺，嚟我度唱歌後，啲騷接唔停，仲有劉浩龍，吳國敬等，都多咗好多嘢做。」
他又指自己勝在有運，所謂「一運二命三風水四積德五讀書」，自認好運好命有風水又積陰德，惟獨欠書緣，所以無論做練馬師，司儀，職業足球都瓣瓣掂，因此曾被內地封他為「被演藝耽誤了的球員」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
