台灣女星徐熙娣（小S）日前奪下金鐘獎綜藝節目主持人獎，透露戴上裝有亡姊徐熙媛（大S）骨灰嘅頸鏈，等同大S陪佢再次現身觀眾面前，共度榮耀時刻。當時就有指骨灰頸鏈由大S老公具俊曄設計，分成2種款式，1款係小S佩戴嘅黑色瑪瑙款，另一款則係銀色，具俊曄自己亦留起咗1條，另拎咗數條畀大S親姊妹及生前親近嘅閨蜜。惟好友范瑋琪前日（26日）登台獻唱時，戴咗一條銀色心型墜鍊，有稱就係大S骨灰項鏈，話題即衝上熱搜冠軍，被網友大鬧佢消費亡者。
據了解，具俊曄打造嘅骨灰頸鏈分別畀咗小S、大小S嘅大姊珍珍、「七仙女」成員范瑋琪、范曉萱、阿雅、賈永婕、侯佩岑等，以及圈外人、鄰居好友阿如。范瑋琪26日喺江蘇演出時，唱完見證佢同大小S友誼嘅《可不可以不勇敢》之後，對天送出3個飛吻，宛如向天上嘅大S致意。有媒體對佢當日戴上嘅心型頸鏈作文章，聲稱該鏈就係大S骨灰頸鏈。此說法並未得到范瑋琪證實，而且有網友搜出項鏈來自瑞典品牌，目前「范瑋琪演唱會戴大S骨灰項鏈」高居微博熱搜，部分網友因此批評范瑋琪消費亡者，但其實真係冤枉，睇嚟要等范瑋琪自證先得喇。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
