內地百億富二代黃子韜與老婆徐藝洋去年12月登記結婚，婚後二人亦不把粉絲當外人，不時開直播與粉絲互動，超甜互動認真羨煞旁人。而早前10日補辦完世紀婚禮嘅二人，日前亦晒出深夜臨瞓前嘅側拍影片，只見徐藝洋素顏瞓喺床，對着手機努力練習英文，一旁陪伴嘅黃子韜亦不時出言關心徐藝洋嘅學習進度，二人零做作嘅真實互動，亦引嚟唔少粉絲留言大讚恩愛滿瀉。
事實上，早前6月黃子韜及徐藝洋就以夫妻檔身份，登上綜藝節目《小伙小妹換遊記》，以「跨國交換人生」為主題，兩人分別跟兩名非洲青年互換生活，體驗不一樣的人生，未料徐藝洋因語言障礙搞到壓力爆煲，打電話同老公哭訴向來寵妻嘅黃子韜，亦立即同節目組溝通為老婆安排翻譯、必要時終止分開錄製等一系列解決方案，如今睇嚟黃子韜似乎為咗避免事件重演，晚晚都勤於幫徐藝洋惡補英文，暖心舉動認真冧暈無數粉絲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
