前無綫小花陳詩欣（Eunice）7月時為圈外有米老公陳爾正誕下一子Liam，日前Eunice為囝囝舉行百日宴，估唔到佢都唔停落嚟，急急幫自己做育後保養。陳詩欣近日同粉絲玩「你問我答」互動時，就大膽承認自己近期做完「收縮陰部」手術，陳詩欣坦言自己其實於生育前就已經有呢個想法，並指「生完之後就必須要做」，又為網友打破迷思：「唔好以為唔係順產就唔會鬆，盆底肌點都會有一定嘅鬆弛」，並指「治療師同我講好多女士都會做，唔同年齡層嘅女士都可以，唔使尷尬喎。」
陳詩欣講到雖然自己係剖腹產子，但懷孕過程本身就會對身體造成影響，並非只有順產先會導致鬆弛問題。見到佢坦率分享私密資訊，唔少女性粉絲大讚佢真性情，又令準備生育或產後媽媽提供寶貴經驗。
陳詩欣仲順便同大家Share一家三口已喬遷至新居，住更大靚屋，同佢哋嘅寵物貓組織溫馨新家庭。陳詩欣努力「收陰」，老公對佢更係愛護有加，特意聘請兩名「24小時陪月員」全天候照顧索妻，等佢可以安心休養，生活奢華令人羨煞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
