男團MIRROR為慶祝7周年大搞閃避球賽，當中人氣王姜濤火力全開，獲「最有價值球員」等共3大名銜，期間被發現用3招猛烈狙擊「宿敵」Anson Lo（AL），惹怒「神徒」在網上公審姜濤罔顧安全，要求以「退賽」作嚴懲；而「姜糖」亦反鬧AL擊中Frankie頭部，一場友誼賽輸了和氣。
人氣男團MIRROR由前晚起假會展舉行一連3場《GAME of MIRROR：閃避球挑戰賽》，12子除獻唱及跟上台粉絲玩遊戲外，重點節目為分藍、白組進行閃避球賽，藍隊由正隊長Lokman帶領姜濤、Edan、Stanley、Frankie及Alton，對戰由副隊長Anson Kong（AK）組成的白隊，成員則有Anson Lo（AL）、因舊腳患要戴護膝的Ian、Jer、Jeremy及Tiger。首晚賽果為球賽打和，但連其他遊戲的累積分數，白隊先拔頭籌以3比1暫贏藍隊。而姜濤憑好勝心，除跟AK成為「最有價值球員」外，他偕AK登「神射手」排行榜首位，並和Stanley成為「復活王」；而Stanley又跟Lokman及Ian成為「閃避王」。
活動開始，12子穿上掛滿公仔的外套大唱團歌《WE ARE》，緊接換球衫登場，姜濤一有波打就High爆，以「咆哮Mode」叫囂助威，而AL則晒麒麟臂，但一度蕩失路，表現失魂又可愛。到正式比賽時，12子全力互相射波又避球，期間姜濤最狠勁，見他以3招包括助跑、跳高及打出「衝力射球」，正面突擊敵隊的AL頭部，其來勢「兇兇」的表情極具殺氣，雖然球在AL膊頭擦過，但已嚇到AL和Jeremy依嘩鬼叫地彈走。
亞博騷開9場破Ian紀錄
而目擊全程的「神徒」（AL粉絲暱稱）就心痛AL險食「重量級波餅」而動怒，在網上「公審」姜濤不顧隊友安全，甚至發表「陰謀論」，指AL快和隊友登上「MAMA」舞台，12月又舉行亞博個唱，倘若受傷就後果不堪設想，還出示球例列明不可用球打面，更引述賽事評述員的說話「XX嘅自殺式攻擊」、「冇諗過咁進擊」，故此要求大會禁止姜濤再參與昨晚及今晚的賽事。至於姜濤粉絲「姜糖」則還擊指閃避球由海綿製造，僅約140克重，認為就算被球擊中也不會造成大太損傷，同時又Po出AL亦令Frankie「中頭獎」，強調只是遊戲一場勿「小事化大」，網上罵戰比球賽更激烈。
而球賽上演團魂的彩蛋環節，當晚正是Jer的33歲生日，11子齊為壽星仔切生日餅及唱生日歌慶祝，Edan最夠兄弟，在社交網分享「低炒」Jer的慶生影片，在球場上還有難同當，箍實Jer齊食敵隊「波餅」。除Jer牛一值得慶祝外，姜濤將於12月假亞博舉行的演唱會宣布二度添食，終極加開25、26日兩場共9場，打破Ian7場紀錄，榮登隊中最多個唱次數的成員。
Edan訪問蔡俊彥互窒
男團MIRROR成員呂爵安（Edan）與劍擊港隊成員蔡俊彥（Ryan）是大學室友，兩人老友鬼鬼，近日蔡俊彥聯同張家朗、梁千雨及吳諾弘出戰花劍團體賽，並摘下金牌，Edan作為ViuTV特派記者訪問4人，Edan訪問其他3人時都非常正經，不過輪到訪問老同學Ryan時，即說：「咁我哋嘅採訪就差唔多喇！」令大家感愕然，之後他才笑笑口說：「咁問埋Ryan先你感冒好番未？」Ryan即時還以顏色：「見到你就準備病番。」兩人互動看得觀眾相當過癮。
事後Edan在社交網Po出合照，又將Ryan的金獎掛在頸上，寫道：「好開心！掂到我人生嘅第一塊金牌，多謝劍擊隊，教練，同所有入場嘅觀眾！我會繼續努力，鞭策Ryan。」Ryan留言窒Edan戇居，而Edan亦還擊對方，網民笑指兩人果然夠老友。
首度殺入「女歌手」5強 鄧麗欣：好似發緊夢咁！
《2025年度叱咤樂壇流行榜頒獎典禮》明年1月1日舉行，當中民選大獎「我最喜愛的男歌手、女歌手及組合」昨日公布最後5強名單。「男歌手」方面，MIRROR成員Anson Lo、姜濤、張敬軒、林家謙等殺入5強，MIRROR成員Ian、Edan，還有周殷廷出局。姜濤、Anson Lo、軒仔已是連續5年打入5強，當中軒仔更是破紀錄第18次入5強，姜濤如再獲獎則是冧莊兼3度奪獎。
「女歌手」方面，打入5強有Gin Lee、COLLAR成員Marf、鄧麗欣、衛蘭等，陳凱詠、Serrini、謝安琪被Out，Marf與鄧麗欣首度入圍5強，衛蘭則是相隔4年後再衝上5強。「組合」方面，5強有COLLAR、MIRROR、Pandora、晚安莉莉等，ERROR、VIVA及RubberBand「消失」，MIRROR有機會第5次奪得此獎，追平Beyond紀錄。
鄧麗欣昨日出席公開活動，對於首次入圍「我最喜愛的女歌手」5強，直言感到愕然：「啱啱嚟活動前先知，暫時都未平復到心情，好似發緊夢咁，真係冇諗過！好多謝Fans嘅努力，佢哋真係好錫我。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
