藝人蔡少芬相隔8年重返「娘家」TVB，夥拍汪明荃、朱茵等好戲之人拍攝重頭劇《華麗背後》，令一眾劇迷相當期待。近月長留香港嘅蔡少芬真係夠晒鍾意出街，近日就多次有網民野生捕獲佢，貴為圈中隱形富婆嘅佢，今次繼續慳家行特價店，素顏真實狀態更係令人驚訝！
網民分享影片，指於沙田一個商場偶遇蔡少芬，見蔡少芬打扮低調隨意，為新劇而染嘅一頭標誌性紅髮非常搶眼。當日佢同《後宮甄嬛傳》「剪秋」姑姑、內地女星楊凱淳翹晒手行街街，雖然蔡少芬身家豐厚，但佢依然節儉愛慳家，竟被拍到行入百貨店選購特價貨，於貨架間搵「平貨」，完全冇架子，貼地到與身邊素人無異。
網民亦見到佢素顏示人，於近距離拍攝下，皮膚狀態極佳，緊緻零皺紋，光滑冇斑點，輪廓依然立體，即被大擺網民留言激讚：「我20歲皮膚狀態都沒她好」、「羨慕，50歲多素顏能有這個狀態真是太棒了」、「沒做過醫美的臉就是自然」，同時網民亦批評博主一路尾隨跟拍嘅手法，令人不適。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
