「聲夢小花」鍾柔美（Yumi）自2022年就已經傳同大佢13歲嘅藝人劉展霆撻着，指二人於社交平台開設了情侶賬號，兩人緋聞至今仍未獲二人承認。惟近日有指無綫發出「禁愛令」後，Yumi尋日（25日）疑似錯手分享二人甜爆錫面片段於限時動態，兩人親密關係亦隨之曝光！
片段雖被Yumi秒速delete咗，但仍被網友快手儲存並流傳。片中疑似係Yumi同緋聞男友劉展霆，由疑似Yumi揸機自拍，劉展霆從背後環抱女方，然後輕輕親吻其臉頰，女方亦非常愛落，兩人關係親熱又夠Sweet。網友對比二人頭上戴有嘅聖誕頭飾及同款衣服，推斷片中人係Yumi同劉展霆，今次私照外洩，無疑係挑戰近期熱傳嘅TVB「禁愛令」。Yumi由15歲開始就認識劉展霆，二人有共同嗜好，二人合作劇集《青春本我》而成為拍檔，之後公司並未有安排太多幕前合作。今次疑錯手出Post，都有網友嬲爆問：「tvb鍾柔美扮A0？？好似極速delete咗」、「冇了冇了」、「米路斷了」亦有人質疑可能係AI片。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
