歌手方力申（小方）昨晚（24日）在東莞舉行《方力申SHOW UP音樂會》，邀請了昔日同公司的女歌手傅穎（Theresa，現名傅寶誼）擔任嘉賓，兩人相隔20年再同台合唱經典歌《自欺欺人》，掀起全場集體回憶。小方介紹對方出場前表示：「好似好多飛都係佢嘅Fans買，多謝老細。畀熱烈嘅掌聲我嘅嘉賓Theresa。」Theresa以一襲短裙上陣，小方即問：「嘩，你唔凍呀？」Theresa坦言凍，但之前有暖包在手，兩人隨即擊掌，小方笑言：「我好似有20年冇掂過你。」兩人直呼緊張，Theresa讚對方皮膚依然緊緻，小方就指她說話比以前進步不少：「你以前唔係好講嘢，你依家講嘢都好犀利。」Theresa指因為經常看小方的片所致，小方反問：「睇我網上咩片先，跟住你寸我吖嘛嗰啲片？定係訪問奧運代表啲片？」Theresa就正經謂：「唔係，你仲乜咁鍾意自黑。」
她又謂在直播時經常為小方講好說話及澄清：「我話方力申係一個好男仔，我見到你嘅時候好似見到20年前一齊拍電器廣告嘅方力申，當時大家都係好小朋友。」小方坦言今次是SHOW UP音樂會最後一場，故一定要邀得本尊合唱《自欺欺人》。Theresa要求兩人一齊比賽，男女粉絲鬥唱得大聲，輸了一方要罰拍一條跳Trouble Maker的跳舞片放上網，小方笑言：「我唔識係咩，我只係識周潤發嘅『我是個茶煲肥又矮』。」Theresa即嘲兩人不是同一個年代。
合唱後，Theresa隨後獨唱仍未錄音的新歌《成年禮》，揚言作為新歌試唱：「你依家聽到嘅版本，係你哋先聽到，因為未做起，如果覺得好聽，我會考慮拍MV。」令歌迷大感驚喜。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
