藝人周潤發昨晨率領逾20位好友參加10公里賽事，當中包括鮑起靜及劉江等。他今年志在參與，完成賽事後笑言要擺4圍慶功，又指影視寒冬沒人找他開工，幽默表示要轉行教跑步，向每位學生收兩萬元月費，蕭正楠及黃翠如「接招」和應， 笑言要努力「跑數」交會費！
周潤發、蕭正楠、黃翠如、林家謙及吳業坤夫婦等昨日參加「香港馬拉松2026」，多年來被喻為「最受歡迎跑手」的周潤發參與10公里賽事，清晨在東區走廊開跑，甫現身即引起哄動，他跑步期間不斷向途人揮手，相當忙碌。他今年放棄跑半馬拉松，偕一眾藝人好友跑10K，除了蕭正楠夫婦，還有鮑起靜及劉江等，志在陪伴參與，眾人一同衝線時，現場歡呼聲不斷。
各人賽後一同受訪，周潤發大讚這班「學生」狀態非常好，笑稱已吩咐老婆安排4張枱一起飲茶慶功：「如果繼續收生，要加收會費！」他透露今次有20多位好友陪跑，問到是否集齊老中青？他笑稱最「青」是鮑起靜和劉江，黃翠如與蕭正楠則自認老弱殘兵。問到是否滿意成績？他笑說：「好過21公里，當時要兩個幾鐘，今次唔使，哈哈！」早前在日本完成了17公里賽的鮑起靜笑指多得周潤發：「令到我哋永遠都青春、永遠都健康。」劉江則笑稱跑完就想退會：「只係喺大帽山遇過發哥一次，從此就加入咗一齊跑。」問周潤發會否堅持跑到80歲？他笑說：「120歲都繼續跑！學生愈來愈多，我收佢哋每位兩萬幾月費，今日廿幾個，條數好襟計！（之前想邀請盧海鵬一齊跑？）鵬哥呢啲窮鬼我就唔收喇，哈哈！（邊位有『錢』途？）黃翠如一報就兩位！」
談到影視業陷入寒冬，他會否出山救亡？周潤發直言憑一己之力救不到太多：「冇人搵我呀！（因為你好似學費一樣收得貴？）冇人搵我，又點知道我收得貴？我都轉行教跑步」另外談到金像獎近日的風波，他說：「我未睇到，睇咗再答你！」
林家謙攞錯獎牌
至於黃翠如跟老公蕭正楠是首次參與賽事，坦言未跟周潤發跑步前身體很差，現時自覺身體尚可，問會否帶囝囝入會？翠如笑說：「佢係團孫，我哋畀心機做嘢就係因為要畀會費，你都聽到會費唔平！」問到是否有意突破自己，下次跑更長路程？她斬釘截鐵說：「冇！」續說：「以前身體好差，有醫生紙唔使上體育堂，4年半前開始跑步，身體慢慢好咗好多，幫我有BB！」問她如今改善了體質，會否考慮再生一個？她笑說：「老」
另外，歌手林家謙昨日首次挑戰半馬拉松，以2小時13分完成賽事，他滿意成績，問到明年會否再參賽？他說：「未知，今年想做啲離譜嘅事，跑步就係其中一件。」他稱是在朋友和品牌邀請下決定參賽，發覺自己很有天分，問到有否邊跑邊唱練氣？他說：「開演唱會就練，當時幾公里咁跑，覺得自己夠氣，只係腳嘅肌肉要訓練。（搵埋老友Tyson Yoshi一齊跑？）唔知佢跑長跑係點，佢啲爆發型應該短跑叻啲。」他抵達終點時，因發現褲帶鬆開而轉身以「閃電手」綁好，並拿起獎牌拍照，不過卻是一塊10K獎牌，不知是哪裏擺了烏龍。
何沛珈阮浩棕高調行孖咇
無綫藝人何沛珈及阮浩棕「分手」後，昨晨孖咇參加10K賽事，同行還有黃美棋。何沛珈是第3年跑馬拉松，指去年抱恙上陣，今年再接再厲，完成賽事後不忘向周潤發及林家謙集郵，表現興奮。阮浩棕則笑言前晚觀賞英超球賽，至11時才入睡，但自覺狀態不俗，又指跑步可以消耗能量，所以這幾天刻意增加食量，何沛珈則笑稱沒吃早餐，望空腹跑步消脂。
另一無綫小花廖慧儀完成人生首個半馬拉松，以2小時11分鐘完成賽事，雖然有運動習慣，但她直言跑得辛苦：「真係盡咗力，衝線嗰下差啲嘔，平時揸車經西隧都唔覺原來係咁長同咁斜㗎！跑完衝線後就咁坐喺條街度唔想郁……好彩條腰今日好聽話，冇再劇痛了！」何泳芍同樣參與半馬拉松，並透露3月會去日本靜岡跑馬拉松，所以昨日「最緊要安全」，以免影響之後賽事的表現。
朴寶劍Danielle甩底粉絲空歡喜
今屆賽事吸引了超過7萬名跑手參與，繼去年參與大熱體能對決真人騷《體能之巔：百人大挑戰》第二季的韓星李載允專誠來港挑戰半馬拉松後，有網民在今年的半馬拉松跑手名單中發現韓星朴寶劍及NewJeans前成員Danielle的名字。
有粉絲前晚發現偶像朴寶劍的名字「Park Bo Gum」出現在名單上，並在社交網分享截圖，而朴寶劍的歌手跑友Sean亦有來港參加賽事。不少粉絲下載了賽事的即時追蹤應用程式望捕捉偶像動向，可惜直至比賽完結仍未見朴寶劍的身影，大會其後透露他缺席賽事。Danielle同樣缺席，至於Sean則完成比賽，並在社交網限時動態分享與跑友的合照。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
