《功夫》「火雲邪神」再創高峰
梁小龍見證了香港動作電影的興衰，早在1970年代就與李小龍、成龍、狄龍並稱「四龍」，1980年代，他於香港麗的電視劇《大俠霍元甲》演出劇中霍元甲大徒弟陳真，紅遍大江南北。後來梁小龍曾一度淡出香港娛樂圈轉戰商界，至2004年，他復出參演周星馳電影《功夫》，憑飾演終極反派「火雲邪神」，將其事業推上另一個高峰。
去年返港受訪 霸氣直言：一般人請我唔起
梁小龍近年主力在內地發展，並已移居內地約五、六年。去年10月，他曾回港出席公開活動，當時完全看不出健康有異樣。他在受訪時透露近年依然十分繁忙，為了工作走訪各地，更直言內地生活十分適合自己：「大陸係中國人地方，有乜理由唔慣。而家所有企業都去咗大陸或者外國，我哋電影都係。因為而家拍一部電影，你小製作冇興趣，大製作又冇人夠膽投資，所以都去晒大陸。（你參與的都是大製作？）中型啦，所謂大製作係7，8千萬以上，小製作幾百萬，請個演員都唔夠。」
自詡「民族英雄」拒拍黑社會片
縱橫影壇數十載，梁小龍對接拍角色亦有自己的原則。他在訪問中曾坦言，拍戲早已不是為了錢，而是為了積累下來的粉絲，「都要對得住佢哋先得。」他當時霸氣地說：「一般人請我唔起，唔好講幾多錢。我喺大陸，好榮幸，全中國影迷當我係民族英雄，因為我做咗好多，唔會令國家丟臉嘅事。所以一般毒販、黑社會我都唔拍。做咗咁多年，拍戲唔係淨係為咗搵錢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
