藝人黃美棋前年與拍拖11年的男友鍾健威拉埋天窗，兩口子生活幸福美滿，去年8月更宣布離巢無綫，近日她居住於澳洲的姐姐帶同囝囝「番薯哥」回港，美棋把握機會相約全家人自製一個小旅行，去主題樂園玩一整日，原來姐姐和外甥上次回港已是2023年，美棋回憶：「當時仲係疫情，去邊都要戴口罩，嗰陣蕃薯哥得個三歲人仔，仲要坐BB車，好多遊戲都玩唔到，我仲記得佢玩唔到過山車嗰個失落嘅樣。」
美棋續指今年「番薯哥」六歲了，終於可以玩到過山車，笑言外甥第一次玩太難忘，玩完甚至說不出話，之後更嘗試了多個遊戲，雖然老公今次沒有同行，但家人的陪伴令美棋十分幸福：「6歲人仔今年仲肯黐住我哋畀我哋抱，真係唔知下次返嚟佢仲會唔會黐住我哋一齊去玩lu，所以我特別珍惜今年佢返嚟嘅呢段時間～一家人食埋飯睇埋20周年火影煙花show ～真係好靚好正大好滿足，希望蕃薯哥健康快樂成長，記得我哋係佢細個一齊共同創造嘅奇妙回憶。」貼文甫出後網民大讚她外甥「番薯哥」十分可愛，有潛質做童星，而見到兩人的有愛互動，紛紛留言催促美棋快啲生返個。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
