藝人鄧月平（Larine）過去一年收穫不少友誼，當中更跟同樣熱愛工作的蔡思貝成為好友，互相支持，惺惺相惜！新年新氣象，近期工作接踵而來，一直朝打女方向發展的她將影視雙棲，並繼續做「沙膽平」，瞓身拍打戲，亦不怕強悍性格嚇怕追求者，因她不急於拍拖，工作至上！
Larine一向喜歡武術，去年在影視寒冬下，利用空閒時間不停自我增值，朝打女方向進發，除拜詠春師傅為師，成為動作演員、《九龍城寨之圍城》「四仔」張文傑師妹外，還挑戰跆拳道，在海外公開比賽獲銅牌，相當叻女！日前她卸下打拳裝備，與愛貓Monster齊齊型格上陣接受東網專訪，回顧過去一年的努力，問她給自己多少分？她笑言：「99分，因為我覺得要識欣賞自己，先會喺新一年做得更好！」
與蔡思貝成好友
談到去年的開心事，當然是收穫了不少友誼，她更笑指自己大小通吃：「由13、14歲嘅Jackie仔到蔡思貝，再到張錦程嘅年紀都有，我都覺得交友廣闊，哈哈！」Larine跟蔡思貝因工作成為好友，更不時在社交平台互相留言鼓勵。她坦言近年較常與別人分享內心世界，不少人都對她另眼相看：「譬如傾開某啲事件，我會同導演分享我真實嘅經歷，然後佢哋會話『阿平睇唔出喎，靚靚女女、細細粒粒，估唔到你都幾兇悍，下次有呢啲角色會諗起你！』（咁兇悍唔擔心影響識男仔？）呢個世代識男仔唔係重點」直言不急於拍拖，工作至上。
去年參加跆拳比賽，打到遍體鱗傷，之後她將要拍攝電視劇、電影，應該亦有不少動作場面，問到會否擔心受傷？她說：「我相信所有武術指導嘅安排，如果真係有意外都冇計，當傷疤的見證，我睇得開嘅，哈哈！」
場地：Pet Villa
本文作轉載及備份之用 來源 source: http://hk.on.cc
|
鍾意就快D Share啦！
|
|
|
