劉家良／翁靜晶丨現年61歲的翁靜晶向來被外界譽為「奇女子」，20歲嫁予年長自己30年的武打明星劉家良，之後又突然讀法律並成為執業律師。近日，她在最新一集《危險人物2.0》節目中，便與好友雪梨暢談往事，期間竟直認對忘年戀的決定深感後悔，曾多次想逃走，又自封反面教材: 千祈唔好學我。
翁靜晶認後悔嫁劉家良
翁靜晶在網台節目《危險人物2.0》請來相識47年的好友雪梨做嘉賓，2人更毫不忌諱暢談當年各自一段非常觸目的忘年戀情。雪梨15歲時戀上29歲的徐少強；翁靜晶則在14歲對比自己年長30年的劉家良一見鍾情，劉家良後來更為女方離婚，而且迎娶了20歲的翁靜晶。不過，翁靜晶於節目中回望當年往事時，便以「細蚊仔」形容當時的自己少不更事:
如果以而家角度睇，佢哋係大人，我哋係細蚊仔，佢哋係唔應該咁樣嚟攞我哋著數。就算我哋有幾鍾意你，嗰個情況係應該拒絕我哋！
她更形容她與雪梨後來境況相同，因為大家都很快有了孩子，陷入「困住咗」的處境:
然後好快有咗細路哥，之後就走咗入一個局面走唔到架啦
翁靜晶稱曾多次逃走
翁靜晶又透露幾年前曾看了一套名叫《Lolita》的電影，結果甚有感觸，因為女主角與自己境況一樣，她又自爆自己試過多次逃走，不過卻最終因心軟失敗:
我都有逃走，逃走唔到，因為佢會講好多嘢畀你聽，叫你唔好走，整到好可憐，我嗰時走過好多次走唔到，譬如你識咗第二個男仔又好，有啲咩嘢，你有機會走⋯⋯
1原因明知行錯 仍選擇留守
雪梨安慰翁靜晶她現在都過得很好時，翁靜晶則反指是因為走唔到，才會走去讀書:
咁就點樣喺呢個走唔到嘅局入面，走一條比較好啲嘅路囉，就係去讀書囉
她又指因為自己非常講義氣及重視承諾，因此最終沒有選擇離開:
有一樣嘢咁講，去到有咗細蚊仔、有咗個承諾，而佢亦都真係離咗婚，我又同佢結咗婚，無論係點樣都好，呢條路只能夠行落去，行到尾，行到最後一刻。無論後來感情演變成一個點樣嘅感情，或者我當佢爸爸又好、當佢伴侶都好，我都係行到最後一刻，但係呢啲咁嘅死守，我性格係一種死守嘅人，為咗義氣堅持到底係好蠢嘅，唔係呢個世界嘅人應該學習。
片尾，翁靜晶更呼籲年輕女孩要以她作反面教材:
我喺呢個世界最大嘅貢獻就係我係一個反面教材，總之大家千祈唔好學我，我係超級反面教材。
《醫度問‧醫度答》幫你問醫生!今期主題: 腸道問題(e.g. 腸易激/腸胃炎/腹痛、肚瀉、便秘、排便問題...)，獲選仲有禮品送!【立即參加】
🔥免費索取「升小一選校及面試攻略班」影片【送升學面試攻略本】【點擊索取】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|
