導演翁子光接受傳媒訪問，被問到財政狀況時，即笑指：「冇咩好擔心？拍戲都好難。而家香港各行各業都係麻麻地嘅，唔可以講下就叫粉飾太平。不過我覺得，今年會越嚟越好嘅，即係呢個馬年係好犀利，馬係跑㗎嘛。」翁子光表示今次是第二次與金燕玲搭檔，更直指︰「她能帶旺到個導演同埋嗰部電影，演員一定係Number One」。
導演何爵天今次為《金多寶》擔任宣傳責任，對於在社交平台不停回覆網民，他指是必須的︰「都係喺網絡上面繼續答謝觀眾，因為我覺得喺戲院度謝票係唔夠嘅，有觀眾喺網絡上post咗，其實應該要多謝佢，因為講緊你部戲啊，即係佢幫你宣傳，就算佢可能畀一啲負評，都係意見嚟，都係要多謝佢哋。」
對於何爵天的工作，導演翁子光亦有說話想說︰「我想幫何爵天講，佢有時周圍去多謝人，啲人會話你好得閒啊？咁其實佢都貴為一個導演喎，何爵天佢係金像獎最佳新晉導演喎。我覺得而家今時今日做宣傳，導演幕後其實係同觀眾企埋一齊㗎，唔得好似以前咁樣清高啊，我係大導演啊，喺高高在上。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
