歌手何雁詩（Stephanie）近日推出新歌《無人島上跳舞》，入行17年後首次在MV中挑戰跳舞，她在網上留言自嘲「跳到身體變X形」，而新歌亦是她送給自己的禮物，由最初一個概念到最後由親手監製歌曲，冀盼樂迷會喜歡她這首心血之作。
而努力發展音樂事業之餘，阿詩亦忙照顧患有天使綜合症的仔仔鄭讚廷（Asher），早前她一家三口外遊，又將旅程片段上載網上，紀錄剛滿3歲的Asher搭飛機過程。片中Asher對機艙上方屏幕播放的安全須知影片深感興趣，興奮到拍前面的椅背。
有網民看見Asher拍打椅背後，質疑會滋擾其他乘客：「坐在前面個人真係多得你唔少！父母唔應該楝這些位」，阿詩就留言回應，指前面座位的乘客正是Asher的外婆、阿詩的媽咪，暗示沒收到投訴，亦有網友建議「好心就揀第一排啦」，她再大方回應：「咁當然最理想，可惜訂機票時班機已經爆晒」，全程有問有答，相當有禮貌。
另外，藝人「Benz雄」許紹雄去年10月底因癌症逝世，其獨生女許惠菁（Charmaine）近日與好友何雁詩一齊喺網上節目談及近況，兩位喺父母呵護下成長嘅溫室小花，突然面對各自人生大課題，佢哋都互相欣賞對方。當中Charmaine去年返港做甜品烘焙顧問，坦言冇諗過年尾打亂咗原本計劃，對於爸爸離開係好難接受，要扮冇事嗰一刻係最難，又覺得被逼住喺短時間成長，感覺唔太舒服，仍未習慣爸爸已經唔喺度，依家承擔住爸爸嘅角色去照顧屋企，更哽咽話每日情緒好似坐過山車咁，一時自己係正正常常、一時就想喊崩潰。
佢又提到契家姐佘詩曼喺訪問講過需要保持專業，唔會帶住情緒去做嘢，所以佢盡量唔會成日留喺屋企，努力工作同見朋友。佢稱爸爸許紹雄係一個好負責任嘅人，有好多嘢都係爸爸走咗之後，先由其他人口中得知，譬如許紹雄生前喺工作上盡力配合幕後同事度期，唔遲到唔改期，爸爸嘅工作精神就係無形資產，令Charmaine好想掌握與學習，同時感到驕傲。
同樣溫室長大、又係家中獨女嘅何雁詩，好多屋企嘢唔使理，面對仔仔Asher一歲半時確診患上罕見遺傳病「天使綜合症」，佢覺得要喺新心態去搵快樂，獲Charmaine大讚何雁詩好勁，樂觀面對阿仔嘅病，幫Asher成長。何雁詩話係要學識「煮到埋嚟就食」，點去面對係自己選擇，盡量對自己情緒要寬容，唔好逼自己要有一日係完全開心，應該要時間去順其自然，仲笑指二人應該喺屋企飲完酒就爆喊一場。
唔少網民開心見到Charmaine重現笑容，紛紛留言鼓勵「孩子長大了👍永遠都愛妳💪😘」、「傷心係一定，但怎傷心都不能改變事實，好好生活」、「一邊繼續生活、一邊容許自己慢慢消化，那種力量其實很難得。希望你記得，你已經做得很好了，也值得被溫柔對待」、「森林有很多危機陷阱，記住在商場上是講利益的，不要意氣用事和容易信朋友，生意上一定要親力親為」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
