藝人陳彥行2024年被爆出秘密生女，雖然對老公的真實身份保密到家，但她不時會網晒湊女日常。昨日（23日）她貼出為女兒慶祝5歲生日的照片，見她為女兒準備了以人氣動畫電影《Kpop獵魔女團》（KPop Demon Hunters）為主題的生日派對，女兒換上電影角色的造型，相當可愛，相信媽媽花了不少心思。她還邀請了一班小朋友來參加派對，大家一起玩遊戲、唱生日歌、吹蠟燭，氣氛熱鬧又開心，陳彥行感性表示：「感謝大家在百忙之中，也抽空來同阿女慶祝生日Party，這是她的福氣，非常感恩。」
另外，藝人楊潮凱昨日（23日）亦分享了為8歲女兒Catherine慶祝生日的照片，大搞《優獸大都會》主題生日派對，圈中好友梁嘉琪和李佳芯亦有到場祝賀，場面熱鬧。為慶祝女兒生日，楊潮凱還親手整生日蛋糕，相當寵女：「爸爸諗咗好耐，今年生日到底有咩可以送俾你，爸爸想你過一個超難忘嘅生日，於是乎我決定親手做一個生日蛋糕送俾你！希望你喺好多年後睇返今日嘅相片，你會記得曾經有個傻爸爸為你做過一件咁有愛的事情。」
而今日（24日）楊潮凱再出Po講今次的整蛋糕計劃，還感謝兩位好友梁嘉琪和李佳芯，「佢兩個係全程幫手一齊整個蛋糕，好多上色嘅位置都要靠兩位（因為本身我畫畫比較差）冇佢哋嘅幫手今次呢個Surprise應該搞唔成！」他又感謝蛋糕大師的幫助，「當日我有呢個Idea同佢講，佢二話不說就一口答應！俾我哋喺佢個Studio搗亂。由設計、準備材料再到現場俾我哋激死嘅過程，佢都處理得非常之好，反白眼嘅次數應該可以破健力士世界記錄！呢啲大師真係唔話得，重點係個蛋糕靚就梗㗎啦仲要好好食！」楊潮凱感謝大家陪他一齊癲，給女兒Catherine一個難忘的生日。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
